 |
| . |
ایران، اتم برنامهسینین
اؤنملی بیر بؤلومونو دایاندیرماق اوچون پیشنهاد اولونان تشویق پاکتی حاقدا جوابینی
اروپا بیرلیینه تقدیم ائتدی.
اروپا بیرلییینین خارجی ایشلر
مسئولو "خاویر سولانا"نین (Javier
Solana) سؤزچوسو، ایرانین بو آچیقلاماسینی دوغرولادی، آنجاق
ایرانین پیشنهادلارا نه جواب وئردیینی آچیقلامادی.
سولانا ایله ایرانین اتم موضوعلارینداکی گؤروشمهجیسی سعید
جلیلینین دونن(جمعه) "مثبت" بیر تلفن دانیشماسی اولوب و اونلار دواملی تماس حالیندا اولماغا قرار
وئریبلر. سولانا کئچن آی آمریکا، روسیه، چین، فرانسه، انگلیستان و آلمانین نمایندهسی
کیمی تهرانا گئتمیش و ایرانا، اورانیوم زنگینلشدیرمه ایشلرینی دایاندیرماسینا
جواب اولاراق اقتصادی و تجاری تشویق
پیشنهاد ائتمیشدی. زنگینلشدیریلن اورانیومون اتم سیلاحلاری دوزلتمکده استفاده
اولونماسی ممکوندور.
ایران رسمیلری، سولانانین
سفریندن سونرا وئردیکلری آچیقلامالاردا تشویق پاکتی اوزهرینده گؤروشمهیه حاضیر
اولدوقلارینی آمما اورانیوم زنگینلشدیرمهیی دایاندیرما نیتینده اولمادیقلارینی
دئمیشدیلر. آمریکا و متفقلری ایرانی اتم سیلاحلاری گلیشدیرمهیه چالیشماقلا
گوناهلاندیریر. ایران ایسه اتم برنامهسینین باریشجی هدفلر جهتینده اولدوغونو
بیلدیریر.
انترنت دن پروگراملار
بو مقاله نی ای ميل ائدين
چاپ اوچون متن
