کلمبیا اوردوسو بو هفته‌نین اولی یاراقلی‌لارین گیروو گؤتوردویو 15 اسیرین آزاد ائدیلمه‌سی ایله باغلی ویدئونو نمایش ائتدیریب. ویدئودا آرالاریندا فرانسه‌لی –کلمبیالی سیاستچی اینگرید بتانکورتون دا اولدوغو گیرولار اللری پلاستیک اشیالارلا باغلانمیش شکیلده گیزلی حربی طیاره‌یه مینیرلر. اسیرلر طیاره‌یه مینن زامان اونلاری کلمبیا انقلابی سیلاحلی قووه‌لر- FARC عضولری مشایعت ائدیر. آنجاق بو عضولر گیرولاری کلمیبا اوردو اطلاعاتینا وئردیکلریندن خبرسیزدیرلر. ویدئو کلمبیا عسکری طرفیندن ضبط اولونوب. باشقا بیر خبرده ایسه دئییلیر کی، کلمبیا دفاع وزیری خوان مانوئل سانتوس سوئد رادیوسونون یایدیغی ادعانی ردد ائدیب. رادیونون ادعاسینا گؤره، کلمبیا گیرولارین گئری قایتاریلماسی اوچون یاراقلی‌لارا میلیونلارلا دلار پول وئریب.