لبنانین باش وزیری فواد سینیورا دئییب کی، ئولکه‌نین رقیب حزبلری هفته‌لردیر دوام ائدن گرگین‌لییه سون قویاجاق و ملی بیرلیک حکومتی‌نین یارادیلماسی ایله نتیجه‌له‌نه‌جک راضی‌لیغین الده اولونماسینا یاخین‌دیر. باش وزیر فواد سینیورانین بیلدیردیینه گؤره، یئنی حکومتین تشکیل سعی‌لری دوام ائتدیریلیر و راضیلیق یاخین زامانلاردا الده ائدیلمه‌لیدیر. جناب سینیورا بو آچیقلامالاری بو گون مسیحی مخالفت رهبری میشل آون ایله گؤروشندن سونرا وئریب.

لبنانین مخالفتی و غرب طرفداری حکومتی وزیرلر کابینه‌سینده  اساس وظیفه‌لره گؤره دانیشیقلار آپاریر. طرفلر مه آییندا عرب دولت‌لرینین واسیطه‌چی‌لییی ایله ئولکه‌نی وطنداش ساواشی تهلوکه‌سیندن قورویان راضیلیغی امضالامیشدی.