افغان رسمی لرينين بيلديرديينه گوره  پايتخت کابل شهرينده هندوستان ائلچی ليينين ياخينليغيندا  ماشين دولو پارتلاييجی نين پارتلاديلماسی نتيجه سينده آزی 41 آدام حياتينی ايتيريب.  ئولن لردن 4 نفری هندوستان وطنداشلاری دير. ئولکه نين ساغلامليق  وزيرلييی نين سوزچوسو عبدالله فهيم-ين دئديينه گوره يارالانانلارين سايی 150 نفره ياخيندير. بازار ائرته سی گونو( دوشنبه) توره ديلميش بو انتحار عملياتينا گوره مسئوليتنی اوزه رينه گوتورن اولماييب. يادا سالاق کی، هندوستان لا افغانستان آراسيندا ياخين ايش بيرلييی وار. هندوستان افغانستانداکی بير نئچه پروژه نی ماليه لشديرير. بازار گونو ايسه افغان رسمی لری خبر وئرميشديلر کی، ائتلاف قوه لرينين نانگارهار استانيندا هاوا هجومو نتيجه سينده 22 سيويل- غير نظامی وطنداش هلاک اولوب. ئولن لر افغانستان- پاکستان مرزينده بير توی مراسيمينده اشتراک ائديرميشلر. اونلارين 10 نفری قادين10-و ايسه اوشاقلاردير.