بيرلشميش عرب اميرليک لری(امارات متحد) عراقين بو ئولکه يه اولان 7 ميليارد دلار بورجونون هاميسينی باغيشلاديغينی بيلديريب. بوندان باشقا خارجی ايشلر وزارتخاناسی بغدادلا تام ديپلوماتيک رابطه ياراديلماسی مقصدی ايله بو ئولکه يه يئنی ائلچی سینی(سفير) تعين ائتدی.  اماراتی بغداددا بو ئولکه نين هندوستانداکی سفيری تمثيل ائده جک. کويت رسمی خبر اژانسی نين بيلديرديينه گوره، بيرلشميش اميرليکلر بو آدديمی عراقين يئنیدن قورولماسينا يارديم هدفی ايله آتيب. بيرلشميش عرب اميرليک لرينده سفرده اولان عراق باش وزيری نوری المالکی ايسه خبری سئوينج له قارشيلاييب. او بوتون عرب ئولکه لرينه سسله نه رک، بولگه نين سياسی، تهلوکه سيزليک و اقتصادی چتين ليک لرينين حلينده ايش بيرليی ايسته ييب. بوندان باشقا واشينگتون دا بيرلشميش عرب اميرليک لری نين سون آدديمينی آلقيشلاديغينی بيلديريب.