سوريه پرزيدنتی بشار الاسد اسرائيل له صلح مذاکره لرينه دستک وئريلمه سی اوچن آمريکانين گله جک پرزيدنتی نين ايشه باشلاماسينی گوزله ديينی بيلديريب. فرانسه نين فيگارو قازئتينه مصاحبه سينده الاسد دئييب کی، اينديکی بوش حکومتی نين اورتا شرق صلحونو ايره لی آپارماق اوچون ميل و دوشونجه سی چاتمير. بو هفته نين سونونداپاريسده کئچيريله جک اروپا و مديترانه بولگه سی ئولکه لرينين کنفرانسيندا  پرزيدنت اسد له ياناشی اسرائيلين باش وزيری اوهود اولمرت ده قاتيلاجاق. يادا سالاق کی، سوريه نين جولان داغلارينی اشغالدا ساخلايان اسرائيل له بو ئولکه آراسيندا دوشمانچيليق درين لشسه ده تورکيه نين واسطه چيلييی ايله سون واختلار بير سيرا صلح دانيشيقلاری باشلاييب.