آمريکانين خارجی ايشلر وزيری خانيم کانداليزا
رايس دئييب کی، روسيه نين گورجوستان لا باغلی داورانيش لاری بولگه ده گرگين ليک
لرين آرتماسينا سبب اولور. رايس بو گون چک پايتختی پراگ-دا وئردييی آچيقلاماسيندا
بيلديريب کی، کئچميشده ساوئت لر بيرلييی نين ترکيبينده اولان گورجوستان ايندی
مستقل دولت دير. او روسيه
گورجوستانی" قيزيشديريجی" حرکت لردن چکينمه يه چاغيريب. روسيانين
گورجوستانين آيريلماق ايسته ين آبخازيا
و جنوبی اوستيا ايله باغلی آدديم لاری
آمريکانی دهشته ساليب. 1990-جی ايل لرده استقلال اعلان ائدن بو بولگه لرده ساواشلار
باشلاميش و نتيجه ده روسيه قوه لری بولگه
يه يئرلشديريلميشدير. خانيم رايس اروپادا راکت لردن مدافعه سيستمی نين
قوراشديريلماسی ايله باغلی راضيليق امضالاماق مقصدی ايله پراگا سفر ائديب. اروپايا
4 گونلوک سفرينين ايلک داياناجاغيندا آمريکانين خارجی ايشلر وزيری لهستاندا همکاری
رادوسلاو سيکورسی ايله گوروشوب. روسيه اروپادا راکت لردن مدافعه سيستمی نين
قوراشديريلماسینا قارشی چيخير.
انترنت دن پروگراملار
بو مقاله نی ای ميل ائدين
چاپ اوچون متن
