ايران حکومتی اوزون و اورتا مسافه لی 9 راکتينی سيناقدان کئچيريب. رسمی لردن بيرينين وئردييی معلوماتا گوره بو راکت لر اسرائيلی اسانليقلا هدف آلا بيلر. ايران دولت تلويزيونونون يايديغی خبرلره گوره، سيناقدان کئچيريلن راکت لر شهاب 3 راکت لرينين يئنی نوع لری دير و اونلار 2000 کيلومترليک هدفی داغيتماق گوجونه صاحب دير. ايرانين اسلام انقلاب گاردی  ايسه بيلديرير کی، گرچک لشديريلميش حربی سيناقلا " دوشمانلارا" ايرانين حربی گوجونه گوسترمکدن ئوترودور. بو گون آغ ائو ايرانی بالستيک راکت لرين توليديندن و سيناغيندان چکينمه يه چاغيران بيانات ياييب. آمريکانين ملی امنيت شوراسينين سوزچوسو گوردون جاندرو بيلديريب کی، ايرانين بالستيک راکت لرين گئنيش لنديريلمه سی اوزره چاليشمالاری ب م ت نين امنيت شوراسينين قطعنامه لرينين پوزولماسی دئمکدير و بو ايرانين بين الخالق عهده ليک لری ايله تام ضددير. يادا سالاق کی، راکت سيناقلار آمريکا، اسرائيل و ايران آراسيندا گرگين ليک لرين آرتديغی بير واختا باش وئرير.