[insert caption here]

تبريزده کی قايناقلاريميزدان آلديغيمز معلوماتا گوره تبريزين اسلام انقلاب محکمه سی  آذربايجانلی ژورناليست  خانيم شهناز غلامی نی محکمه يه چاغيريب.  "آذر وومن "وب سايتين يايديغی خبرلره گوره، اونا گونده ريلن رسمی چاغيريش بلگه سنده شهناز خانيم ايران دولتينه قارشی تبليغاتدا اتهام اولونور. خانيم غلامی-دن شهريورين 13-ده-ميلاد تقويمی ايله سپتامبرين 3-ده محکمه يه گلمه سی ايسته نيلير و گلمه يه جه يی صورتده  مجبوری اولاراق  گتيريله جه يی باره ده هشدار وئريلير. يادا سالاق کی، خانيم غلامی سون آيلاردا آذربايجان ملی حرکاتی نين فعال لاريندان اولان 3 نفرين شوبهه لی شکيلده ئولدورولمه سی باره ده معلوماتلارا مولف ليک ائديب.  ئويرنجی نيوز وب سايتی ايسه خانيم غلامی نين حاقلارينين آذربايجانلی وکيل محمد علی دادخواه طرفيندن مدافعه اولوناجاغينی بيلديرير. اونو دا قيد ائدک کی، شهناز خانيم بوندان اول انسان حاقلاری يونونده فعاليت لرينه گوره بير نئچه دفعه حبس اولونوب.