افغانستان رسمی لرينين دئديينه گوره، اوروزگان ولايتينده بازارين ايچيندن کئچن بير پليس کاروانينا قارشی بمبالی هجوم نتيجه سينده آزی 24 آدام حياتينی ايتيريب. افغانستانين ايچ ايشلر وزيری زامرای بشاری آمريکا سسينه بيلديريب کی، هجو زامانی بير نئچه پليس ايشچيسی  هلاک اولوب، آنجاق ئولن لرين چوخو غير نظامی لردير. ئولن لرين آراسيندا اوشاقلارين دا اولدوغو سويله نيلير. ياراليلارين سايی ايسه 40 دان چوخدور. ايچ ايشلر وزيری حادثه نين ترور هجومو اولدوغونو دئمکله ياناشی آراشديرمالار آپاريلديغينی دا وورغولاييب. طب ايشچی لری ايسه ياراليلارين بعضی سينين آغير وضعيتده اولدوغونو اساس گتيره رک ئولو سايينين آرتا بيله جه يينی سويله ييرلر. هجوما گوره طالبان اتهام ائديلير. بو آرادا افغانستانين ايچ ايشلر وزارتخاناسی همده لوگار ولايتينده بير پارلمان نماينده سی و اونون سوروجوسونون سيلاحلی بير گروه طرفيندن گيروو گوتورولدويونو بيان ائديب. بو باره ده گئنيش معلومات وئريلمير.