ايران مئدياسينين معلوماتينا گوره ئولکه نين شيمال غربينده- غربی آذربايجان ايالتينده باش وئرميش توققوشمالار نتيجه سينده اسلام انقلاب گاردی نين ايکی حربچی سی ئولدورولوب. توققوشما پ ک ک ترور تشکيلاتی نين ايران قانادی ساييلان پژاک ياراقليلاری ايله اسلام انقلاب گاردی نين بولگه ده کی قوه لری آراسيندا باش وئريب. ياييلان معلوماتلارا گوره، بير نئچه کورد ياراقليسی دا توققوشمالار زامانی هلاک اولوب. 30 مين انسانين ئولومونده گوناهلانديريلان پ ک ک 1984-جو ايلدن بری تورکيه دولتينه قارشی ساواشير. سون زامانلار ياراقليلار تورکيه ايله مرزده يئرلشن غربی آذربايجان شهرلرينده بير سيرا هجوملار ائديرلر. بير سيرا ئولکه لر او جومله دن آمريکا، اروپا  و تورکيه بو قورومو ترور تشکيلاتی کيمی تانيير.