بويوک بريتانيانين باش وزيری گوردون براون اسرائيل پارلمانيندا چيخيش ائتدييی زامانی ايرانا آتم پراگرامينی دايانديرماسی باره ده هشدار وئريب. باش وزير اسرائيلی دستکله يه جه يينه سوز وئره رک ايران پرزيدنتی محمود احمدی نژادين بو ئولکه يه قارشی تهديدلرينی پيسله ييب. گوردون براون دئييب کی، بريتانيا، آمريکا و اروپا بيرلييی ايله بيرليکده ايرانين نوه سيلاحلاری الده ائتمک سعی لريندن چکينديره جک. بريتانيانين باش وزيری بازار گونو اردن چايينين غرب ساحيلينده اولوب، اسرائيل-ی يهودی ياشاييش بولگه لرينين تيکيلمه سينين دايانديريلماسينا و فلسطين ليلرين سياحت محدوديت لرينين يونگول لشديريلمه سينه چاغيريب. بريتانيانين باش وزيری گوردون براون فلسطينين اقتصادی ايره ليله ييشينه 60 ميليون دلار بودجه آيريلاجاغينی بيلديريب. بريتانيا بوندان قاباق فلسطينه 500 ميليون دلار يارديم ائتميشدی.