8

 آمريکا پرزيدنتی جورج بوش رونالد ريگان بيناسی و بين الخالق تجارت مرکزينده آزادليق موضوعسوندا چيخيش ائديب.پرزيدنت دئييب کی، گله جک پرزيدنت لر و گله جک کنگره نماينده لری قاپيلاری آزاد تجارته آچيق ساخلامالی و دونيانی ساختا پروتکسيونيسمدن قوروماليدير. پرزيدنت بوش دئييب کی، بير واختلارغربی اروپايا تهلوکه اولان ورشو بيرلييی عضولری ايندی ناتويا قوشولوب. آمريکانين دولت باشچيسی آزادليغين گوجونه اينانديغينی دئييب. او، بيلديريب کی، آزاد جمعيت لر دينج و صلح سئور جمعيت لردير. "آمريکا آزادليغا دستک يونونده دونياداکی آپاريجی رولونو داوام ائتديره جک" دئيه پرزيدنت بوش بيلديريب. او سون 7 ايلده انسان حاقلارينين پوزولماسينا گوره  اونون حکومتی ايران، سودان، سوريه، زيمبابوه کيمی ئولکه لری تنقيد ائديب. واشينگتون انسان حاقلاری مسئله سی باره ده آچيق موقعينی ياخين دوستلوق مناسبتی اولان چين، عربستان و مصرله ده بولوشوب.