روسیا رسمیسی بو گون آوروپا بیرلیگینین گورجوستان کونفلیکتی اوزوندن موسکوا ایله طرفداشلیق دانیشیقلارینی دایانیرماق قرارینی تنقید ائدیب.  بازار ائرتهسی آوروپا بیرلیگینین لیدئرلری بروکسئلده اعلان ائدیبلر کی، روسیا گورجوستاندان قوشونلارینی گئری چکمهینه قدر موسکوا ایله دانیشیقلاردان ایمتینا ائدیرلر.  روسیانین آوروپا بیرلیگیندکی نماینده سی ولادیمیر چیژوو اینتئرفکس آگئنتلیگینه آچیقلاماسیندا  بیلدیریب کی، آوروپا بیرلیگی غئیری-مقبول سیاسی سیقنال گؤندریر.  چیژوو بیلدیریب کی، روسیا قوهلری آرتیق کیفایت قدر گئری چکیلیبلر.  آوروپا لیدئرلری هابئله روسیانین گورجوستانین جنوبی اوسئتیا و آبخازیا بؤلگهلرینین موستقیللیگینین تانیماسینی پیسلهییبلر.  بونونلا بئله بیرلیک روسیایا قارشی اقتصادی تحريملرين قبولونو قیسا مدته تاخیره سالیب.