الکبر راعوف اوغلو

واشينگتون

آمئریکانین وايس-پرئزیدئنتی دیک چئینی تيفليسده اولارکن، گورجوستانا گوجلو دستک ایفاده ائدیب. آغ ائوین درج ائتدیگی ایستئنوقراما گؤره، پرئزیدئنت میخایل سااکاشویلی ایله کئچیردیگی بریفینگده جناب چئینی بیلدیریب کی، گورجوستان آمئریکانین داواملی دسته يینه و یاردیمینا بئل باغلایا بیلر.
«آمئریکالیلار سون دؤرد هفته عرضینده گورجوستانین قارشیلاشدیغی چتینلیکلری یاخشی بیلیرلر. قیزیل گو ل اینقیلابیندان سونرا، آمئریکا بو گنج و جسور دئموکراتیک دؤولتین کمکینه گلدی. سیز اؤز سووئرئن اراضینیزین ایشغالی و سرحدلرینیزین زور یولو ایله دییشدیریلمهسی ایستیقامتینده قانونسوز، بیرطرفلی جهدله موباریزه آپارارکن، بیز بونو یئنه ده ائدیریک"، - دئیه آمئریکانین وايس-پرئزیدئنتی وورغولاییب.
دیک چئینی بیلدیریب کی، گورجوستانین موستقیللیگی و سووئرئنلیگی-حاکميتی چوخ واجیبدیر. "بو، آیدیندیر، گورجولر آزادلیق اوغروندا و باشقا تورپاقلاردا آزادلیق اوغروندا جان قویوبلار. بوتون گورجولرین آزاد یاشاماق حاقی وار. من اینانیرام کی، گورجولرین قیسمتی آزادلیقدیر. گورجولرین قلبینده بؤیوک جسارت وار. آمئریکادا اونلارین مؤحکم و صادق دوستلاری وار».
جناب چئینی علاوه ائدیب کی، روسیانین بؤلگهدکی حرکتلری اونون بئین الخالق طرفداش کیمی اعتبارلیلیغینا شوبهه یارادیب. "تکجه گورجوستان یوخ، رئگیونون هر یئری و اصلینده، بین لاخالق عالمده..."
یوکسک سویهلی آمئریکا رسمیسی داها سونرا آبش-ین گورجوستانا بیر میلیارد دوللار مبلغینده یاردیم وئرجه یینی بیان ائدیب.
گورجوستان پرئزیدئنتی میخایل سااکاشویلی ایسه دونیا ایجتیمایتینین دقتینی آبخازیا و جنوبی اوسئتیاداکی ائتنیک تمیزله مه یه جلب ائتمه یه چاغیریب.