[کوندولیزا رایس و نالبندیان]

ارمنستانین خارجی ایشلر وزیری، تورکیه ایله اؤن شرط‌سیز دیپلماتیک علاقه ‌لر باشلاتماغا حاضیر اولدوقلارینی آچیقلادی.

ائدوارد نالبادیان، آمریکانین سسینه وئردیی آچیقلامادا پرزیدنت عبدالله گولون سپتامبر آییندا ارمنستاندا بیر فوتبال مسابقه ‌سینی سئیر ائتمه ‌سی اوچون اولونان دعوتی قبول ائده‌ جه ‌یینی اومدوغونو دا بیلدیردی. آنجاق نالبادیان، ئولکه ‌سینین ارمنی سوی قیریمی‌ (قتل عام)  ادعاسینی سوروشدوران بیر فیکیری هئچ بیر زامان قبول ائتمه ‌یه‌جه ‌یینی سؤزلرینه علاوه ائتدی.

واشنگتون‌دا خارجی ایشلر وزیری کوندالیزا رایس و کنگره عضولری ایله گؤروشن نالبادیان، تماسلاریندا داغلیق قاراباغ مسئله ‌سی ایله ارمنستانداکی سیاسی دورومون دا اله آلیندیغینی سؤیله ‌دی.

نالبادیان، ارمنستانین قاراباغلا باغلی مینسک گروهونون اؤنریلری دوغرولتوسوندا گؤروشمه ‌لره حاضیر اولدغونو، آنجاق آذربایجان رئیس جمهورو الهام علی‌یئوین سرت دانیشیقلاری ‌نین مسئله‌ نین حللینی گئجیکدیدیردیینی ادعا ائتدی.