بلغارستانین پایتختی سوفیادا اوردویا عاید بیر آنباردا پارتلانا باش وئردی. دال-با-دال باش وئرن اوچ پارتلاما بؤلگه‌ده یوزلرجه ائوین شوشه‌لرینین قیریلماسینا سبب اولدو.

بوتون سوفیالی‌لاری آیاغا قالدیران پارتلاییشلارین اولدوغو بؤلگه‌یه چوخ سایی‌دا آمبولانس و آتش‌نشانی ماشینلاری گؤندریلدی. دفاع وزارتیندن وئریلن آچیقلامادا، پارتلاییشین یاشاندیغی آنیاردا واختی کئچمیش ال بمبو ایله قورشونلارین اولدوغو بیلدیریلدی. ایلک بلیرتیلره گؤره، پارتلامادا اؤلن و یا یارالانان اولماییب.

حادثه یئرینده زهرلی گاز بولودونون اولدوغو بیلدیریلدی. حادثه یئرینه گلن سوفیا بلدیه باشچیسی بویکو بورس‌اوو، گاز بولودونون بؤیوک اولدوغونو و بؤلگه‌ده یاشایان خالقین تخلیه ائدیله‌جه‌یینی آچیقلادی. رسمی‌لر آیریجا، حادثه یئرینه یاخین یئرلشیم یئرلرینده اولانلارا قاپی و پنجره‌لرینی باغلامالارینی و قاپی و پنجره‌لردن اوزاق دورمالارینی توصیه ائتدی.