"واشنگتوندان باخيش" آمريکا حکومتی نين سياستی نين شرحی ايله تانيش اولورسونوز

فرانسه، آلمان و بريتانيا ليدئرلری نووه ( آتم) چاليشماسينی دايانديرماق

پرزيدنت بوش و کانسلر مرکل

اوچون ايرانا قارشی تضييق لرين ضروری لييی باره ده سسلرينی يوکسلتمکده ديرلر. آمريکادا پرزيدنت جورج بوش لا آيری- آيری گوروشلری زامانی فرانسه پرزيدنتی نيکولاس سارکوزی و آلمان کانسلری آنجيلا مرکل بيلديريب کی،آتم چاليشمالارينين دايانديريلماسی ايله باغلی ب م ت نين امنيت شوراسينين طلب لرينی يئرينه يئتيرمکدن بويون قاچيرماغی داوام ائتديره رسه ايرانا قارشی علاوه تحريملر ايره لی سورولمه لی دير. ب م ت- بيرلشميش ملت لر تشکيلاتی نين تهلوکه سيزليک شوراسی و آتم انرژيسی اوزره بين الخالق آژانس دفعه لرله ايرانی اورانيوم زنگين لشديرمه فعاليت لرينی دايانديرماغا چاغيريب. زنگين لشديريلميش اورانيوم آتم سلاحلارينين استحصاليندا دا ايشله ديله بيلر.

بريتانيانين باش ناظری گوردون براون ايسه بيلديريب کی، اطاعت سيزلييی

پرزيدنت بوش و پرزيدنت سارکوزی

داوام ائتديره رسه بريتانيا" ايرانا قارشی نفت و گاز ساحه لرينده سرمايه  قويولوشو، ائله جه ده ماليه سکتورونا قارشی آغير تحريم لرين تطبيق ائديلمه سی يونونده سعی لره رهبرليک ائده جک."

ايران ايسه بيلديريب کی، جناب براون " بيزيم مقصديميزين جدی لييی باره ده شوبهه ائتمه مه لیدير."

آمريکا هم ب م ت نين تهلوکه سيزليک شوراسی چرچيوه سينده، همده آيری- آيری ئولکه لر طرفيندن ايرانا قارشی علاوه تحريم لرين تطبيق اولونماسينا چاغيرير. اکتبردا آمريکا ايرانين انقلاب کئشيک چيلری اردوسو(سپاه) و قدس قوه لرينه، ائله جه ده تروريست چاليشمالار و نووه ياييلماسينی دستکله ين ايرانين دولت بانک لارينا قارشی يئنی ئولچولرين

  گوتورولمه سی باره ده قرار قبول ائتدی.

آمريکانين دولت کاتيبی خانيم کانداليزا رايس ايرانين آتم پراگرامی ايله باغلی ديپلوماتيک حل يولونون طرفداری اولدوغونو بيلديريب، آنجاق بو ئولکه نی، ئوز سياستينی ده ييشديرمه يه اينانديرماق اوچون  "ايرانا قارشی گوجلو ئولچولرين گوتورولمه سينه احتياج واردير." عينی زاماندا خانيم رايس سويله ييب کی،اگر ايران سياستينی ده ييشديرسه آمريکا، فرانسه، آلمانيا، بريتانيا، چين و روسيه نين تکليف ائتدييی امتيازلار دا ئوز قووه سينده دير: (ای بی سی نين" بو هفته" پراگرامی 11 نوامبر 2007)

" بيز بيلديرميشيک کی، تجارت مسئله سينه و سياسی مسئله لره باخا بيلريک. بيز  حتتا هله ده ايرانين دينج مقصدلی آتم گوجونه صاحيب اولماق ايده آ سينی رد ائتمه ميشيک و فاکتيکی اولاراق بو بير سيرا شرطلر آلتيندا باش توتا بيلر.اونلار يالنيز ياناجاق دووريه سينی  و نووه سيلاحينين توليدی ايله نتيجه له نه بيله جک  اورانيومون زنگين لشديريلمه سی و اونون يئنیــدن اعمالينی دايانديرمالیديرلار."

آمريکانين پرزيدنتی جورج بوش ايسه دئييب کی، ايرانين نووه سيلاحلارينين الده اولونماسی يونونده کی آتم چاليشمالاری ايله باغلی مسئله  داها چوخ ديپلوماتيک يوللا حل اولونابيله جک مسئله يه بنزه يير " آمريکا، آلمان و باشقا ملت لر ايرانا، آزاد دونيانين بو ئولکه يه نووه سيلاحی الده ائتمک امکانينا صاحب اولماغا اجازه وئرمه يه جه يی ايله باغلی گوجلو  و اورتاق بير مساژين-پيامين گونده ريلمه سی يونونده امکداشليق ائدرسه!  و بيز بو يونده ايشله يه جه ييک."

بو "واشنگتوندان باخيش" ايدی