ايندی "  واشنگتوندان باخيش"

انسان حاقلاری مدافعه چيلری ايرانداکی ايکی آذری   فعالينين ايران رسمی لری طرفيندن حبس اولونماسيندان

iran

راحات سيز دير.

تانينمش انسان حاقلاری مدافعه چيسی صالح کامرانی نين اوگوستون 18 ده کرج شهرينده حبس اولوندوغو بيلديريلير. جناب کامرانی نين خانيمی مينا بو باره ده آذربايجانين آذری پرس خبر آژانسينا بيلديريب کی، ايران رسمی لری اونون اری نين حبسينين سبب لرينی آچيقلاماقدان امتناع ائديرلر.

انسان حاقلارينی مدافعه تشکيلاتلاری نين بيلديرديينه گوره صالح کامرانی " وجدان محبوسودور و  او بير وکيل کيمی قانونی فعاليت لری ، بين الخالق سويه ده تثبيت اولونموش  سوز  و سربست توپلاشما آزادليغی،ائله جه ده ايرانداکی آذربايجانليلارين حقوقلارين يوکسلديلمه سی اوغرندا دينج چاليشمالارينا گوره حبس ائديليب."

آمنستی اينترنشنال   باشقا بيرآذری فعال ژورناليست سعيد متين پورون دا حبس اولوندوغونو بيلديريب. بين الخالق عفو تشکيلاتينا گوره، جناب متين پورون" گومان کی ويدئو( تلويزيون) اعتراف لارينين آلينماسی اوچون شکنجه لره معروض قالديغی بيلديريلير." سعيد متين پور مای آييندا حبس اولونوب و ايندی يه دک عائيله عضولری و   وکيلی ايله گوروشمه سينه اجازه وئريلمه ييب. آذربايجانلی سياسی محبوسلارين مدافعه بيرلييی نين باشچيسی

 فاخته زمانی دئيير کی،صالح کامرانی نين و سيعد متين پورون حبسی ايران حکومتی نين تضييق کمپينی نين داوامی دير." ايرانداکی آذربايجانليلار او جمله دن ئوز آنا ديل لرينده تحصيل آلماق کيمی کولتورل و ديل حقوقلارينين  تامين اولونماسينی ايسته ييرلر.آنجاق تاسف کی، ايران   آذربايجانليلارينين  ملی کيم ليينی يوکسلتمه يه چاليشان فعاللار  ايران رسمی لری طرفيندن  شوبهه آلتينا آلينير، توتولور، شکنجه يه معروض قالير و حبس لره محکوم ائديليرلر."

 آمريکانين دولت دئپارتمانی(خارجی ايشلر ناظرلييی) ئوزونون ان سون انسان حاقلاری راپورتوندا  بيلديرير کی، "آذری- ايرانليلار،  اونلارا قارشی  آذری ديلينده تحصيلين مکتب لرده ياساقلانماسی، آذری فعال لارين و تشکيلاتلارين تعقيب ائديلمه سی و آذری جوغرافی يئر آدلاری نين ده ييشديريلمه سی کيمی ائتنيک و ديل آيری سئچکی ليک لری باره ده راپورت وئريرلر."

ئوزونون يازيلی آچيقلاماسيندا آمريکانين دولت دئپارتمانی نين سوزچوسو شان مک کورمک ايران حکومتينی" داها چوخ سايلی ايران وطنداشی نين  بين الخالق انسان حقوقلاری  و آزادليق لارينی تامين ائتمک اوغروندا عذاب چکمه ميشـدن قاباق ئوزونون انسان حاقلاری وضعيتينی ياخشی لاشديرماغاچاغيريب."

بو "  واشنگتوندان باخيش" ايدی.