بو " واشنگتوندان باخيش"آمريکاحکومتی نين سياستی نين شرحی دير.

 آمريکا ملی استخباراتينين ان يئنی حساباتيندا ايران حکومتی نين آتم سيلاح پراگرامينی 2003-جو ايلده دايانديرديغی بيلديريلير. ملی استخباراتين يئنی تخمينی، ايرانين فعال اولاراق آتم سيلاح پراگرامی يئريتديينی بيلديرن آمريکانين 2005-جی ايل آچيقلاديغی اولکی تخمين لريندن فرقلی دير.

يئنی راپورتدا بيلديريلير کی،ايران ئوزونون گيزلی آتم سيلاح پراگرامينی دايانديرماسی حاقدا بين الخالق تضييق لرين نتيجه سينده قرار قبول ائديب. حساباتدا قيدائديلير: "تهران ان آزی آتم سيلاح توليد ائتمک پراگرامينی آچيق ساخلايير،"و "ايران علمی، تکنيکی و صنايع امکانلارينا صاحب اولدوقدا، آتم سيلاحی توليدائتمه يه قرار وئره بيلر"

 آمريکانين ملی تهلوکه سيزليک مشاوری استفان هدلی يئنی آچيقلانان حساباتين" ياخشی خبر"اولدوغونو سويله يير. (3-12-2007- تاريخلی مطبوعات کنفرانسی)

" بير طرفدن بو بيزيم ايرانين آتم سيلاحی الده ائتمه يه چاليشديغی باره ده قايغی لار و ناراحاتليقلاريميزی تصديق ائدير، باشقا بير طرفدن ايسه بو(حسابات) بيزيم، بونون قارشيسينين آلينماسی يونونده کی سعی لريميزين نتيجه وئرديينی گوسترير. آنجاق بو بيزه همده، آتم سيلاحی الده ائتمه يه چاليشان ايران تهلوکه سينين- چوخ جدی بير پرابلمين ... قالديغينی بيلديرير."

 واشنگتونداکی مطبوعات کنفرانسيندا پرزيدنت جورج بوش دئييب کی، ايران هله ده صلحه قارشی تهلوکه

پرزيدنت بوش- آغ ائوده کی مطبوعات کنفرانسیندا

اولاراق قالماقدادير. جناب بوش، ايرانين، پرزيدنت محمود احمدی نژادين رهبرلييی آلتيندا غير-حربی نووه انرژيسی، ائله جه ده آتم سيلاحينين توليدينده ايشله ديلمه سی مومکون اولان اورانيوم زنگين لشديرمه چاليشمالارينی يئنیدن باشلاديغينی وورغولاييب.

" ايران تهلوکه لی ايدی، ايران تهلوکه لی دير  و اگر نووه سيلاحینين  دوزلديلمه سی اوچون لازيم اولان بيليگی ( بيليک: علم)الده ائدرسه تهلوکه لی اولاجاق.ملی استخبارت تخمينينه گوره، ايرانين گيزلی آتم سيلاحی پراگرامی يورودورموش. راپورتون دئدييی بودور. آنجاق، اونلار(ايرانليلار) باشقا بير گيزلی آتم سيلاحی پراگرامينا باشلايا بيلمه ييب لر؟"

پرزيدنت بوش دئيير کی، او ايرانين نووه سيلاحی الده ائتمه سينه مانع اولماق اوچون متفق لرله ايشله مه يی داوام ائتديره جک." ملی استخبارت تخمينی تنبيه و تشويق سياستی نين  نتيجه وئرديينی گوستردی." دئيه پرزيدنت بوش سويله ييب." بو، همين سياسته اينانانلاری اورک لنديرير کی، بير طرفدن تضييق لرائديلمه لی، عينی زاماندا بيزايرانليلارا ايره لی گئتمک اوچون يول گوستريلمه لييک."

 پرزيدنت بوش قيد ائديب کی، او تاکتيک لر "احمدی نژاد گلنه دک ايشله ييردی. بيز اوميد ائديريک کی، ايرانليلار يئنیدن ديپلوماسی يه دونه جکلر."

 بو " واشنگتوندان باخيش" ايدی.