.ايندی "واشنگتوندان باخيش" آمريکا حکومتی نين سياستی نين شرحی ايله تانيش اولورسونوز

ايرانين اسلام انقلاب کشيکچی لری(پاسدارلارسپاهی) نين  تخمينا 50 نفر حربچی سی  عراقدا چاليشير. بونو بغدادين جنوب بولگه لری اوزره آمريکا قوه لرينين باشچيسی  ژنرال مين باشی ريک لينچ دئيير." اونلار شيعه افراطچی لارينين تعليمينی حياتا کئچيرير." دئيه ژنرال لينچ بغداددا ژورناليست لره سويله ييب." ايندی دوشمن دوغروداندا داها زوربالاشيب." دئيه ژنرال لينچ دئييب." او (دوشمن) ايران طرفيندن تامين ائديلدييی گومان ائديلن داها تاثيرلی سلاح - سورسات ايشلتمکده دير."

 عراقداکی چوخ ملت لی قوه لرينين باشچيسی  ژنرال يوز باشی  رئی آديرنو دا ايرانين اکستريميست شيعه گروهلارلا باغلی ليغيندان چوخ نگران اولدوغونو سويله ميشدير:

" بيز  بو حيله چی ايرانلی لارين نفوذونا  ... و مختلف يوللارلا عراق حکومتينه  قارشی هجوملارا تاثير ائتمه سينين  داوامينا  اجازه وئره بيلمه ريک. بو گروهلارين طرفيندن حياتا کئچيريلن   هجوملارين چوخو عراق حکومتينه بغدادين ياشيل بولگه سينده قارشی  گرچک لشديريلير.  بونونلا اونلار حکومته ميدان اوخوماقداديرلار. بيز بونون داوامينا اجازه وئره بيلمه ريک. بئله ليکله بيز اونلاری دا هدف توتماغی داوام ائتديره جه ييک."

 ژنرال آديرنو دئيير کی، عراق حکومتی ، ايرانين دستکله دييی اکستريميست شيعه لردن گلن تهلوکه نی بيلير و اونلاری  مغلوب ائتمه يه  چاليشير.

" اونلار ( شيعه اکستريميست لری) عراق حکومتينه قارشی هجوملار تشکيل ائديرلر. عراقلی لار بونو باشا دوشور.  بونو درک ائتديينه گوره ده ئوز قوه لرينی بو عاميل لره قارشی عمليات لارا گونده ريرلر."

عراقين عادی وطنداشلاری دا افراطچی لاری رد ائدير و آيدين اولاراق اونلاری ئوز توپلوملاريندا ايسته مه ديينی نمايش ائتديريرلر. دئيه ژنرال آديرنو سويله ييب.

" جمعيت  آرتان بير شکيلده ائتلاف و عراق قوه لرينه اوز چئويرمکده ، ئوز محله لری، کندلری و شهرلرينه امنيت گتيرمک يونونده   مثبت آدديملار آتماقداديرلار." او دئييب." اونلار اکستريميست ليدئرلری، گيزلی سلاح- سورسات و  ايره ليله ميش آی – ای- دی ( ايره ليله ميش پارتلاييجی  واسطه لر) آنبارلارين يئرلرينی  آچيقلاييرلار  و عراقين قانونی امنيت قوه لرينه قوشولماق ايسته ييرلر."

بو " واشنگتوندان باخيش" ايدی