سيز " واشنگتوندان باخيش" آمريکا سياستينين شرحی ايله تانيش

رابرت گئيتس

اولورسونوز.

آمريکانين مدافعه کاتيبی(دفاع وزيری) رابرت گئيتس ايران حکومتینين اورتا شرق و اطراف بولگه نين تهلوکه سيزليينی هده له ديينی دئيير.( بحرين، ماناناداکی آچيقلاما 12-08-2007)

" هارايا باخيرسان، ايستر  استراتژيک ده يرلر باهاسينا ، ايسترسه  ده  گوناهسيز يهودی لر، مسيحی لرو يا مسلمانلارين قانی بهاسينا ايرانين خائوس و غيری- ثابت ليک ياراتماق سياستی نين شاهيدی اولورسان."

 جناب گئيتس، ايرانين عراقداکی ياراقلیلاری ماليه لشديردييی و تعليم لرله تامين ائتديينی ميثال گتيريب: بو ئولکه هم عراق و هم افغانستانا قيريجی سيلاحلار و تکنولوژی گونده رير:  ايران حکومتی  مين لرله گوناهسيز انسانی ئولدورن حماس و حزب الله کيمی  تروريست تشکيلاتلارا دسته يينی داوام ائتديرير، بو ئولکه همده ئوزونون " کوتلوی قيرغين و بويوک داغينتیلارا سبب اولان باشليق لار داشيماياجاغی تقديرده خصوصی تاثيره ماليک اولمايان"اورتا منزيللی بالستيک راکت استحصالينی  داوام ائتديرير.

جناب گئيتس  بو سوزلری آمريکانين ملی استخبارات تشکيلاتی نين ايرانلا باغلی سون راپورتوندان آز سونرا بحرينين مانانا شهرينده  کئچيريلن بولگه نين تهلوکه سيزلييی ايله باغلی کنفرانسداکی چيخيشيندا  ديله گتيريب.

 ملی استخبارات راپورتوندا ايرانين گيزلی آتم سيلاح پراگرامينی 2003-جو ايلده دايانديرديغی بيلديريلير. آنجاق مدافعه کاتيبی جناب گئيتس دئيير کی، همين راپورت همده ايرانين نووه پراگرامينين هله ده  درين ناراحاتليغا سبب اولان مسئله کيمی قالديغينی گوسترير:

" حسابات هر زامانکيندان داها بويوک آرخايين ليقلا قيد ائدير کی، ايرانين  بين الخالق عهده ليک لرينی پوزاراق ايل لرله گيزلی ساخلاديغی آتم سيلاحی پرگرامی اولوب. همين راپورتدا دئييلير کی، اونلار، اوزن مدتده آتم سيلاحی پراگرامينا لازيم اولان اورانيوم زنگين لشديرمه چاليشمالارينی داوام ائتديرير. راپورت همده اونلارين ئوز پراگراملارينی يئنیــدن باشلاماق اوچون  لازيمی مکانيزمه صاحب اولدوقلارينی وورغولايير." و (ملی استخبارت) تخمين قطعی اولاراق ايرانين ئوز سئچيم امکانلارينی آچيق ساخلاديغينی و ايسته نيلن زامان آتم سيلاحی پراگرامينا باشلايا بيله جه يينی آچيقلايير. من علاوه ائتمک ايسته يرديم کی، اگر ايران آرتيق بونو ائتمه ييبسه!"

 مدافعه کاتيبی رابرت گئيتس همده بيلديرير، "ايرانين اورانيوم زنگين لشديريلمه سی فعاليت لرينين دايانديريلماسی و آتم سيلاح پراگرامينا بير داها باشلاماياجاغينا دايير ثبوت اولونا بيله جک تدبيرلر گورمه يينجه، آمريکا و بين الخالق توپلوم ايرانا قارشی اقتصادی، مالی و ديپلوماتيک تضييق لرينی داوام ائتمه لی و داها دا شدت لنديرمه لی دير. بو ئولکه نين خيالاتچی و ان محاربه چی ليدئرلری فونوندا…. اجازه وئرين بيز داوام ائدک" دئيه او بيلديريب." بيز، بيری- بيريميزله امکداشليق ائتمه لی و تهرانين سياست لرينين اوزون مدتلی ده ييشيک ليينه نائيل اولماق مقصدی ايله دينج  آمما تاثيرلی ئولچولر گوتورمه يی  داوام ائتمه لی ييک."

 بو "واشنگتوندان باخيش" ايدی.