سيز واشنگتوندان باخيش - آمريکا حکومتی نين رسمی موقعی نی شرح ائدن باش مقاله ميزله تانيش اولورسونوز.
ايرانين نفت وزيری کاظم وزيری دئييب کی، بيرلشمش ملت لرين امنيت شوراسی طرفيندن گرچک لشديريلن تحريم لر ايرانين نفت استروکتورلارينی ماليه لشديرمک امکانلارينا زيان وورور. " اونلارين بانک ساحه سينده ياراتديغی چتين ليک لر بير سيرا پروژه لرين ماليه لشديريلمه سينه مانع اولوب." او دئييب.
ب م ت نين تحريم لری ايرانين اتمی پراگرامينا جواب اولاراق تطبيق ائديلير. بوندان باشقا آمريکانين ماليه وزارتخاناسی نين رسمی لری ايسه ايران حکومتی نين بين الخالق ماليه سيستميندن تروريسمی و اتمی پراگراملارينی ماليه لشديرمک يونونده استفاده سينی انگل له مک اوچون کمپينه باشلاييب لار. اروپاو ژاپون داکی بير سيرا بانک لار ايرانلا باغلی پول کوچورمه لری محدودلاشديرماق باره ده قرارلار قبول ائديبلر.
ايرانين دولت نفت و گاز شرکتی نين باشچيسی اکبر تورکان تصديق له يه رک بيلديريب کی، اگر گره کلی
اولان سرمايه قويولوش تامين ائديلمزسه ايرانين نفت توليدی حجمی هر ايل 5 فائيزه دک آزالا بيلر.
آمريکانين دولت دئپارتمانی- خارجی ايشلر- نين سوزچوسو شان مک کورمک ايران حکومتی نين سياست لرينين ئولکه اقتصادياتينا بوراخديغی منفی تاتيرلر باره ده مناسبتينی اچيقلاييب.
" تام آچيقجاسی، بو اوزه رينی بولود لار آلميش بير حکومت دير. بو بولود لار بيزيم، ب م ت نين امنيـت شوراسی نين و يا باشقا سی نين دئييل، ايران حکومتينين ئوزونون آتديغی آدديم لار نتيجه سينده داها دا قارالير و بويويور."
آمريکانين خارجی ايشلر وزيری کانداليزا رايس ايسه بيلديريب کی، واشنگتون و باشقا ئولکه لر ماليه تدبيرلری اوزه رينده ايشله مه يی سوردورمکله ايران حکومتينه آچيق پيام وئرمه يی داوام ائتديره جکدير. رايس دئيير:" بو پيام ايرانا بيلديرير کی، آرتيق سن ، بين الخالق ماليه سيستميندن بهره له نه رک اتمی سلاح پراگرامينی داوام ائتديره بيلمه يه جک سن."
بو "واشنگتوندان باخيش " ايدی.
انترنت دن پروگراملار
E-mail
چاپ
