سپتامبرين 21 ده واشنگتوندا بيرلشميش ملت لر تشکيلاتی نين امنيت شوراسی نين  5 عضوو اولان آمريکا، فرانسه، روسيه، چين، بريتانيا + آلمانين اشتراکی ايله ايرانا قارشی تحريم لرين داها دا گئنيش لنديريلمه سينين

ايرانين نووه چاليشمالاری

مذاکره ائديله جه يی بير توپلانتی کئچيريله جک.

 امينت شوراسی اينديه دک ايرانا قارشی اورانيوم زنگين لشديرمه چاليشمالارينين تام دايانديريلماسينی ايسته ين ايکی قطعنامه ايله چيخيش ائديب. بير چوخ ئولکه   ايرانين دينج اتمی چاليشمالاری آدی آلتيندا  نووه سلاحی پراگرامی يئريتمه سيندن  احتياط ائدير.

2006-جی ايلين جون آييندا 5+1 لر ايرانين اورانيوم زنگين لشديرمه فعاليت لرينين دايانديريلماسی قارشیليغيندا تهرانا گئنيش  اقتصادی امتياز لارين وئريلمه سی ايله باغلی راضيليغا گلميشدير. بو تکليف هله ده ئوز قوه سينی ايتيرمه ييب.

 آمريکانين خارجی ايشلر ناظرلييی نين سوزچوسو شان  مک کورمک  ايرانين اتمی  چاليشمالاريندان قايناقلانان تهديدلرين ديپلماتيک يوللا چوزولمه سينين  طرفداری دير.

" بوتون مقصد ، ئوز داورانيشينی و سياستينی ده ييشديرمه يه مجبور ائتمک اوچون ايرانا قارشی داها گوجلو تضييق لرين تطبيق ائديلمه سيندن عبارت دير. بير سوزله، تهران دينج مقصدلی اتمی چاليشمالارينين نئجه آپاريلا بيله جه يی باره ده  بين الخالق توپلوملا دانيشيقلارا گئتمه لی و بوتون دونيانی اتم سلاحی توليد ائتمه يه جه ييندن آرخايين سالمالی دير."

 آمريکانين خارجی ايشلر ناظری نين معاونی تام کيسی ايسه  ايران رژيمينين امنيت شوراسينين قطعنامه لرينه سايماز ياناشماسينين ايران اهالی سينين تراژدی ايله قارشيلاشماسينا سبب اولدوغونو دئيير:

"بو ايران رژيمينين ئوز اهالی سينين  احتياج لارينا و رفاهينا نه قدر سايماز ياناشديغينين آچيق گوستريجی سی دير. پرزيدنت بوشون دئديينه گوره ايرانين اتم  سلاحی الده ائديلمه سينه يونه ليک چاليشمالاری بين الخالق تهلوکه سيزلييی تهديد ائدير. بونا گوره ده آمريکا بيرلشميش دولت لری  و اونون متفق لری ايران رژيمينی داها دا  تکله مک مقصدی ايله بير آرايا گلمک و ايرانا قارشی داها جدی تحريم لر تطبيق ائتمه يه چاليشير."