ايران پرزيدنتی محمود احمدی نژاد ايراندا سوز و آکادميک- علمی آزادليغين

احمدی نژادين کلمبيا يونيورسيتينه گليشينه قارشی اعتراض لار

موجود  اولدوغونو ادعا ائدير.  بونون  آچيق  يالان اولدوغو بللی  اولسا دا گوروندويو کيمی،  بو جناب احمدی نژادی هئچده ناراحات ائتمير. او حتتا بو يالانی چيخشينين اينگليس ديلينه ترجومه اولوندوغو کلمبيا يونيورسيته سينده ده تکرار ائتدی:

" ايندی بيزيم يونيورسيته لرده- دانشگاه لاردا  گونده ليک اولاراق بوکيمی يوزلرله توپلانتی کئچيريلير( ايرانلی ئويرنجی- دانشجولارلا خارجی قوناقلارين اشتراکی ايله). اونلار دينله يير، دانيشير، سواللار سوروشور  و بونو آلقيشلاييرلار."

بو، تضييق  و تعقيب لری ايله شهرت قازانميش  ملا رژيمی ايله ياخشی  تانيش اولان بير چوخلاری اوچون تام  يئنی خبر ساييلا بيلر. اکبر محمدی 1999-جو ايلده ملا رژيمينه قارشی  تهران يونيورسيته سينده کئچيريلن اعتراض ميتينگ لری زامانی حبس اولونان يوزلرله ئويرنجی دن بيری ايدی. ايل لرله آجيماسيز داورانيش لارا معروض قالديقدان و لازيملی طبی معالجه آلماقدان محروم ائديلديکدن سونرا  او، 2006-جی ايلده "ائوين" حبس خاناسيندا وفات ائتدی. 1999-جو ايلده، دويولن يولداشينين قانلی کوينه يينی  الينده توتدوغو عکسی ايله شهرت قازانميش احمد باطبی ايسه کئچميش ئويرنجی رهبرلريندن باشقا بيری دير. جناب باطبی هله ده ائوين زندانيندا چورومکده دير، دئييلديينه گوره، معروض قالديغی شکنجه لر نتيجه سينده او چوخ آغير فيزيکی و روحی وضعيتـده دير. مجيد توکلی، احمد قصابان و احسان منصوری ده  ايران پرزيدنتی احمدی نژادين 2006-جی ايله هويلانديغی( هويلاماق: اله سالماق) تهرانين امير کبير يونيورسيتی نين  ئويرنجی رهبرلريندن اولوبلار. اونلاردان ايکی سی هله ده ائوين زندانيندا ساخلانيلير. عائيله لری نين دئديينه گوره دولتـه قارشی  ساختا جنايت لر باره ده اعتراف لار وئرمک اوچون اونلار تک آداملی سلوللاردا ساخلانيلميش و دويولموشدورلر.

 بوندان باشقا ايران رژيمينين يولونو- خطينی ايزله مه ديکلرينه گوره واختيندان اول تقاعده( بازنشسته ليک) چيخماغا مجبور ائديلن چوخ سايلی يونيورسيته استادلاری واردير.

سون گونلرده  پرزيدنت جورج بوشا فردوسی يونيورسيته سی طرفيندن بير  دعوت گونده ريليب. بونا مناسبت بيلديرن آمريکانين ملی تهلوکه سيزليک شوراسينين سوزچوسو گوردون جاندرو دئييب، " حکومتی نين  ئوز اهالی سينه سوز و آزاد توپلاشما آزادليغی وئردييی، رهبرلری نين اسرائيلين محوينه چاغيريشلار لا  چيخيش ائتمک يئرينه هالوکاست  قوربانلارينا ياس توتدوغو دموکراتيک بير ايرانا سفر ائتمه يی  پرزيدنت بوش چوخ ايسته يردی."

بو "واشنگتوندان باخيش" ايدی.