 |
| آمريکا و تورکيه بايراقلاری |
سيز "واشنگتوندان باخيش" آمريکا بيرلشميش دولت لری حکومتی نين رسمی سياستی نين شرحی ايله تانيش اولورسونوز:
آمريکانين خارجی ايشلر ناظری نين سياسی مسئله لر اوزره معاونی نيکولاس بورنز تورکيه نين باش ناظری رجب طيب اردوغانلا گوروشوندن سونرا بيلديريب کی، آمريکا تورکيه نين اروپا بيرليينه تام عضولويونو دستکله مه يه داوام ائده جک. او قيد ائديب کی، گوروشده جناب اردوغانلا، پ ک ک نين ترورچو فعاليت لری ده داخيل اولماقلا تهلوکه سيزليک مسئله لرينی ده مذاکره ائديب.
پ ک ک آمانسيز بير تروريست تشکيلات دير و دونيا مقياسيندا محکوم اولونمالی دير. آمريکا همين تشکيلاتی دستکله مه يه جک.
جناب بورنز سويله ييب کی، پ ک ک نين دهشتلی فعاليت لرينه سون قويولماسی اوچون آمريکا، عراق و تورکيه ايله امکداشليق ائتمک ايسته يير.
جناب بورنز ايرانين نوه پراگرامی حاققيندا دئييب کی، بو مسئله ده ان ياخشی يول ايرانی ديپلماسی و دانيشيقلارين آرزو ائديلن سئچيم اولدوغونا اينانديرماق و دانيشيقلار خطينی سئچمه مسئوليتی نين ايراندا اولدوغونو بو ئولکه يه چاتديرماق اوچون تورکيه و باشقا اروپا ئولکه لری ايله روسيه و چين له امکداشليق ائتمک دير.
آمريکا و تورکيه نين انرژی ساحه سينده ماراقلاری اوست- اوسته دوشور. تورکيه خزر حوزه سی و عراقدان نفت و گازين اروپايا چاتديريلماسيندا ترانزيت ئولکه دير. باکی- تفليس- جيحان نفت کمری و جنوبی قافقاز کمری نين چکيلمه سی اوجون 90-جی ايللرده آمريکا تورکيه ايله امکداشليق ائديب. ايندی آمريکا همين اوغورلاری داها دا قاباغا آپاراراق اروپادا انرژی تجهيزاتيندا آزاد بازارين يارانماسی اوچون بو ئونملی انرژی آلت قورولوشو يونانی و ايتاليانی دا احاطه ائده جک شکيلده گئنيش لنديرير.
جناب بورنز دئيير کی، بو جهت لر آذربايجان، قازاغيستان و تورکمنستانين دا اروپانين انرژی بازارينا داخيل اولمالارينا يارديملا بو ئولکه لرين ئوز مستقل ليک لرينی موحکم لنديرمه لرينه کومک ائده جک.
دولت کاتبی نين(خارجی ايشلر ناظری) معاونی جناب بورنز بو آيين اول لرينده ائتدييی بير چيخيشيندا دئميشدير:
بيز تورکيه يه 160 ايل ليک مدرن لشمه و اصلاحات فعاليتلری ايله دونيادا اسلام جمعيتی نين لائيک دموکراسی نين ان اوغورلو نمونه سی کيمی باخيريق کی، بو ئولکه هم ياخين شرق و اطرافيندا همده باشقا يئرلرده اصلاحات طرفدارلاری اوچون الهام قايناغی اولا بيلر.
نيکولاس بورنزون دئديينه گوره بو ايلکی سئچکی لر تورکيه دموکراسی سينين ساغلامليغينی و گوجونو گوستردی و بو مسلمان ئولکه لر آراسينا ان قانع ائديجی بير وضعيتی عکس ائتديرير.
جناب بورنز دئيير کی، تاريخ، بيرگه ماراقلار و بيرگه ده يرلر تورکيه نی آمريکانين دونيانين هر طرفينده کی متفق لری آراسيندا ان ئونملی لريندن بيری ائدير.
سيز "واشنگتوندان باخيش" لا تانيش اولدونوز.
انترنت دن پروگراملار
E-mail
چاپ
