اورميه سسی قازئتينين يازديقلاريندان؛ اورميه سسی- صدای اروميه- مظبوعات اداره سينين خبردارليقلارينا سايماز ياناشديغينا گؤره باغلانماقلا هده له نيب. داخلی مطبوعاتا نظارت هياتی نشريه ايله باغلی پرابلملری آراشديرديقدان سونرا اورميه سسی نشريه سينه خبردارليق مکتوبو گؤنده ريب. مکتوبدا دئييلير کی، اروميه سسی ، مطبوعات قانونون 2-جی ماده سينين ج بندينی " اهالی آراسيندا پارچالاييجی يازيلارين درج ائديلمه سی" و 6-جی واده نين 4- جو بندينی " توپلوم- جامعه- مختلف قشرلری آراسيندا اختلاف ياراتماق، خصوصی ايله قومی مسئله لرله باغلی" مدعالارينی پوزدوغونا گؤره باغلانيلا بيلر. نظارت هيا تينين خبردارليق مکتوبوندا دئييلير کی، اگر نشريه بو کيمی يازيلارين درج ائتديريلمه سينی داوام ائده رسه قانونا اويغون اولاراق دوسيه- پرونده- قضائيه ارگانلارينا گؤنده ريله جک. نشريه نين تاسيسچی سی حميدرضا خادم شمس بونونلا باغلی ئوز دئيير کی، بيز ايشه باشلاديغيميز سون 5 ايلده نظارت هياتينين ايؤه لی سوردويو مسئله لردن اوزاق دورموشوق. خصوصی ايْه بيز ئولکه ده ملی پارچالانما نی تبليغ ائدن هر-هانسی يازی درج ائتديرمه ميشيک. بيز يازديغيميز بوتون يازيلار ملتيميزين حقوقلاری و ملی منافعيميزله ايله باغلی اولوب. بيز هر هانسی تفرقه جيليک دن اوزاق اولموشوق. شمس اونو دا قيد ائديب کی، داخلی مطبوعات اداره سينين سون دؤرلرده ئوزه ل ليکله سون ايکی آيدا گؤستردييی حساسيت لر بوندان خبر وئرير کی، اونلار بيزيم نشريه ميزين قارشيسيندا مانعه لر ياراتماق ايسته ييرلر. شمس همده سؤيله ييب کی، داخلی مطبوعات اداره سينين ادعلاری اساس سيز و بوش بهانه لر دير. بيز ملتيميزين ملی حقوقلاری نی و حقيقت لری يازميشيق. داخلی مطبوعات اداره سی جامعه نين ايستک لری و حقيقت لری قومچولوق و ملت چيليک کيمی ده يرلنديرمه مه ليدير.

بو مقاله نی ای ميل ادين
چاپی ورسيا