وئريلن معلوماتلارا گوره آذربايجانين کليبر شهرينده و اطراف دا آغير گرگين ليک لر اولوب.کليبرده و 150 کيلومترليک اطرافيندا فوق العاده وضعيت رژيم اعلان اولونوب. وضعيت له باغلی آذربايجان مطبوعلاتينين يايديغی معلوماتلارا گوره يوروشون قارشيسی خصوصی زوراکيليق لا آلينيب. بونونلا باغلی اکسپرس قازئته سينين يوروش اشتراکچيلاريندان بيری اولان علی قوشاچايلی يا استنادا يازديغی مقاله ده دئييلير کی، ايران رژيمی نين پليس قوه لری، سپاه و بسيج له بيرليکده کليبره آپاران بوتون يوللاری حتی داغ يوللاری و جيغيرلارينی باغلاياراق يوروش اشتراکچيلارينين کليبره گيرمه سينه قاداغا قويوبلار. اونون دئديينه گوره حتی 10-15 نفرين توپلاشماسينا هجوملار ائديليب. يوروشچو لر مختلف شهرلرده بونا قارشی اعتراض لار کئچيريبلر. اعتراضلاری ياتيرتماق اوچون گوجدن استفاده ائديليب وچوخلو فعال حبس ائديليب. تهران- تبريز، تبريز- اهر، اهر – کليبر يوللاری نين تام حربی لشديريلديينی بيلديرن شاهد دئييب کی، حربی پست لاردا انسان لار يوخلانيليردی، اونلارين هارايا گئتديکلری تام دقيق لشديريلير و اونلارا گئتديکلری مقصده گيريش اوچون يازيلی و رسمی موهورلنميش خصوصی اجازه وئريليردی. بو کيمی رسمی اجازه کاغيذی اولمايان لار مقصدلرينه بوراخيلميردی و کليبرله بوتون رابطهت تلفن سيستمی سيرادان چيخاريلميشدير. بوتون آذربايجان ايالت لرينده فعال لار و علاقه لنديريجی لر ايسه اطلاعات طرفيندن تلفن لاری دينله نيلمکله آشکارلاناراق توتولوب. باشقا بير يوروش اشتراکچيسی عباس نعيمی اکسپرسه وئردييی معلوماتدا دئييب کی، رژيم قوه لری آذربايجان شهرلری نين هاميسيندا اهالی يه آغير تضييق لر گوستريرلر. اهر- کليبره آپاران " ائل اوغلو" اوچ يولو تام باغلانميشدی و بولگه يه گئدن اتومبيل لرين اوزه رينه خصوصی نشان لار ياپيشديريليردی. او آذربايجاندا يوزلرله انسانين حبس ائديلديينی و يالنيز خوی شهرينده 30 نفرين توتولدوغونو دئييب. مستقل منبع لر طرفيندن تصديق لنمه ين معلوماتا گوره ايسه، بابک قالاسينا گئتمه سينه امکان وئريلمه ين فعال لار مختلف شهرلرده اعتراض لار کئچيريبلر: ماراغا، اهر، خوی، مرند، سولدوز، مشکين، انزلی، آستارا و باشقا شهرلر او جمله دن تبريزين بازار آغزی و ائل گولوسونده توپلاشمالار اولوب. اعتراض لار خصوصی ايله سولدوز شهرينده آغير گوج تطبيق ائديله رک داغيديليب.
بو مقاله نی ای ميل ادين
چاپی ورسيا
بو مقاله نی ای ميل ادين
چاپی ورسيا
