آسوده ایدین دوشدون عجب زحمته کؤنلوم
سالدی سنی سئودا بو قدر محنته کؤنلوم
یاریله دئییب گولدوغون آنلار نئجه اولدو
حسرت قویوب هیجران سنی بیر صحبته کؤنلوم
عشق آتشی ، گه نجلیک هوسی ، بیرده گؤزه للیک
جذب ائتدی بوتون وارلیغینی صنعته کؤنلوم
نادانلارا باش ایمه اگر گئتسه حیاتین
دیمه ز بو جانین واردیر ، مننته کؤنلوم
من ساده لیقین عاشیقیه م ساده دولاننام
بیر عمردوراویمامیشام شهرته کؤنلوم
....
گؤزلرین گؤیچه کدیر ، بویوندور بسته
ایلین بادام ایچی دوداغین پوسته
هر نه دئسه ن جمله دئ گؤزوم اوسته
عاشقم کیمه یالواریم
نه دئییم کیمه یالواریم
اوره گینده سیریم چوخدور سویگولوم
بیر یاخین گل سیرریم سنه سویلویوم
گؤزوم گؤردو کؤنول سئودی نئینییم
عاشقم کیمه یالواریم
یازیغام کیمه یالواریم
قوشا قوشا خاللاری وار اوزونده
وسمه قاشدا، سرمه سی وار گؤزونده
شهد شکر صحبتینده سؤزونده
عاشقم کیمه یالواریم
نئینییم کیمه یالواریم
: ابولفتح
بو مقاله نی ای ميل ادين
چاپی ورسيا
