عباس لسانی نين حبسی ايله باغلی آمريکا سسی نين رداکتور مقاله سی
03/12/2006
abbasLeysanli
بو مقاله آمريکا دولتی نين موقعينی چاتديرير. ايران حکومتی عباس لسانی نی " حکومته قارشی تبليغات يايماق" اتهامی ايله ايل ياريم حبس 50 شالاق ضربه سی جزاسينا محکوم ائديب. اصلينده اتهام لار اونون ايران آذربايجانی آزادليغی نامينه دين فعاليت لری ايله باغلی دير. آذربايجانليلارين اردبيل شهرينده تشکيل ائتدييی تظاهرات دا اشتراک ائتديينه گوره ژوئن آييندا حبس اولونان جناب لسانی سپتامبرين 26 دا وثيقه ضمانتی ايله آزادليغا بوراخيلميش، اکتبرون 31 ده ايسه يئنی دن حبس اولونموشدو. انسان حاقلاری نين مدافعه سی ايله مشغول اولان بين الخالق عفو تشکيلاتی يايديغی بياناتيندا لسانی نی وجدان محبوسو آدلانديراراق، اونون فوری و قيد-شرط سيز آزادليغا بوراخيلماسينی ايسته ميشدی. اونون خانيم رقيه ايسه آمريکا سسينه مصاحبه سينده اری نين غيری – قانونی اولاراق حبس ائديلديينی دئييب:" او ملتينين حقوقلارينی ايسته ديينه گوره حبس ائديليب. ئوز ديلينده مکتب، قازئت ايسته ييب. اون ميليونلارلا آذربايجانلی نين حقوقونا حرمت قويولماسينی ايسته ييب. غير- قانونی بير ايسته يی يوخدور. منطم ده حبسيمه امر وئريبلر. اگر منی ده حبس ائتسه لر، دئميشم اوشاقلاريم دانيشاجاق، باشيميزا گتيريلن لری دنيايا چاتديراجاقلار!." مای آييندا ايران دولتی نين گونده ليک رسمی اورگانی اولان " ايران" قازئتينده آذربايجانليلاری تحقير ائدن کاريکاتورانين درجيندن سونرا ايرانين شمال غربينده اعتراض لار دالغاسی باشلادی.. انسان حاقلاری نين مدافعه چيلريينين دئديينه گوره ايران حکومتی نومايش لری داغيتماق اوچون آشيری گوجوندن استفاده ائتميشدی.خبرلره اساسا يوزلرله، اولا بيلسين کی، مين لرله اعتراض چي حبس اولونموشدو. او واختدان اونلارين چوخو آزا ائديليب، آنجاق عباس لسانی کيمی بعضی لری محکمه ائديله رک يا حبس يا دا شاللاق جزاسينا محکوم ائديلميشديلر. آمريکانين دولت دئپارتامنتی- خارجی ايشلر وزازرتخاناسی ايراندا انسان حاقلاری نين وضعيتی باره ده کی حساباتيندا قيد ائديليب کی، ايران آذربايجانليلاری مکتب لرده آنا ديلينده تحصيلينين قاداغان ائديلمه سی ، آذربايجانلی فعال لارين و تشکيلات لارين تعقيب لره معروض قالماسی و آذربايجان جغرافی آدلارينين ده ييشديريلمه سی داخل اولماقلا اتنيک و ديل باخيمدان آيری- سئچکی لييه معروض قاليب لار. دولت دئپارتامنتی نين سوزچوسو جولی ريسايد يازيلی بياناتيندا آمريکانين ايران حکومتی نين آذربايجانليلارا قارشی تضييق لرينی قيناديغينی بيلديريب. خانيم ريسايدين بيلديرديينه گوره آمريکا تهران حکومتينی بوتون ايران خالقلارينين حقوقلارينا حرمت ائتمه يه، سوز و توپلاشما آزادليغينی طلب ائدن لرين آزادليغا بوراخيلماسينا چاغيرير.
بو مقاله نی ای ميل ادين
چاپی ورسيا
بو مقاله نی ای ميل ادين
چاپی ورسيا
