اندونزی ده بير نئچه انسان ئولومو ايله نتيجه له نن قوش گريپی خبری نين ياييلماسی بو بولگه
ده قورخو سويه سينی يوکسلديب. دنيا ساغلامليق تشکيلاتی دئيير کی، آسيا، آفريقا حتی اروپا داها پيس وضعيت اوچون ئوزونون حاضيرلامالی دير. ويتنام رسمی لری بازار ائرته سی گونو تصديق ائديب کی، ئولکه نين 7- جی ايالتينده ياييلان قوش گريپی ان مين لرله قوشون تلف اولماسی ايله نتيجه له نيب. ويتنام رسمی لری ايسه سون آلتی آی دا شمال ايالت لرينده قوشلارين او جمله دن ارک لرين آرادان آپاريلماسينی حياتا کئچيريلير. ژاپون دا ايسه رسمی لر گونئی بولگه سينده کی قوشلارين قوش گريپينه يولوخدوغو تصديق لنديکدن سونرا مين لرله تويوق و باشقا قوشلارين توپلانيلماسينا باشلاييب. هنگ کنگ دا شنبه گونو بير ئولو قوش تاپيليب. بو سون ايکی هفته ده باش ئوميش ايکينجی حادثه دير. قوش گريپی همده انسان تلفاتينا سبب اولوب. اندونزی ده سون هفته 4 نفر حياتينی ايتيريب. ئولن لردن بيری نين اوغلو و اری ايسه قوش گريپينه گوره معالجه آلير. آنجاق رسمی لری خسته ليين انسان دان- انسانا کئچمه سينی تکذيب ائديرلر.
بو مقاله نی ای ميل ادين
چاپی ورسيا
بو مقاله نی ای ميل ادين
چاپی ورسيا
