واشنگتوندان باخيش وئرليشی آمريکا حکومتی نين سياستينی تقديم ائدير.

آذربايجانلی محبوس عباس لسانی ايرانين اردبيل محبسينده آجليق آکسياسينی داوام ائتديرير. او آجليغا ژانويه نين 1 ده، ايران رسمی لرينطن عائيله سينه اولان تضييق لرينه، ائله جه ده ايراندا بوتون محبوس لارا وئريلن قيسا مدت لی ترخيص حقوقونون پوزولماسينا اعتراض اولاراق باشلاييب. ژانويه نين 8 دن جناب لسانی نين هاوانين منفی 10 درجه شاختا اولدوغو بولگه ده تک آدامليق، قيزديريلمايان بير سلولدا ساخلانديغی بيلديريلير.

جناب لسانی وکيلی محبوسلارين مدافعه کميته سينين مديری محمد رضا فقيهی مدافعه سی آلتيندا اولان محبوسون ساغلامليغی اوچون ناراحات اولدوغونو دئييب:" اونو اردبيلين سوموک دوندوران سويوغوندا کيچيک، قيزديريلمايان سلولدا ساخلاييرلار. اونون بيرجه نازيک يورغانی وار.بو شرايطه هئچ کيم دوزه بيلمز، او کی قالسين آجليق دا اولان و آرتيق قيداسيزليقدان ضعيف له ميش بيريسی اولسون."

 بين الخالق عفو تشکيلاتی انسان حقوقلاری تشکيلاتينا گوره،" عباس لسانی نين قارين و بوورک چتين ليک لريندن ، ائله جه ده قابيرغا آغريسيندان اذيت چکدييی بيلديريلير. بو چتين ليک لرين اونون ئونجه کی حبسی زامانی معروض قالديغی شکنجه لرين نتيجه سی اولدوغو ادعا ائديلير." ژوئن آييندا اردبيل ده ايران آذربايجانليلارينين اعتراض گوستری لرينده( تظاهرات) اشتراکينا گوره حبس اولونان جناب لسانی سپتامبر آييندا ضامينه بوراخيلانا قدر حبس ده قالميشدی. محاکمه يه قدرکی حبسی زامانی جناب لسانی خبرلره اساسا 58 گون سورن آجليق کئچيرميشدی. جناب لسانی ايران رسمی لرينين ادعا ائتدييی کيمی " حکومت عليهينه تبليغاتا" گوره ايل ياريم حبسه و 50 شاللاق جزاسينا محکوم ائديلميشدی. آذربايجانلی سياسی محبوس لارين مدافعه جمعيتی نين رهبری فاخته زامانی بيلديرير کی، ايراندا آذربايجان آزليغی نين حقوقلاری باره ده دانيشان فعال لار تضييق لره معروض قالير:" ايران رژيمی خالقين اساس و قوندامنتال حقوقلاری باره ده معارف لنديرمه ايشی آپاران مدنی و ديل حقوقلارينی طلب ائدن فعال لاری حبس ائدير. انسان حقوقلاری مدافعه چيلری، ژورناليست لر و يازارلار تهلوکه سيزليک و اطلاعات ارگانلارينين قوربانلارينا چئوريليب. بو فعال لار حبسه آتيلير و دايم تضييق لره معروض قالير."

 آمريکا نين خارجی ايشلر وزارتخاناسينين سون انسان حقوقلاری حساباتيندا ، آذربايجانلی ايرانليلار" اتنيک و ديل آيری سئچکی ليک لرينه معروض قالديقلارينی، او جمله دن آذربايجان ديلی نين مکتب لرده قاداغان ائديلديينی و آذربايجانلی فعال لارينا و تشکيلاتچيلارينا تضييق لرين اولدوغونو" بير چوخ آدامين" ايران آذربايجانلی لارينين مدنی و ديل حقوقلارينی مدافعه ائتديکلرينه گوره " حبسه آتيلديغينی بيلديرير.

آمريکا دولتی ايران حکومتينی بوتون انسان لارين حقوقلارينا حرمتله ياناشماغا و همين حقوقلارينی تامين ائتمک حهدينه گوره حبس اولونانلاری آزاد ائتمه يه چاغيريب.

بو واشنگتوندان باخيش وئرليشی آمريکا حکومتی نين سياستينين شرح ايدی.