شان مک کورمت

آمریکا دولتی نین سوزچوسو، شان مک کورمک دئییر کی آمریکا ایران حکومتی نین آزلیقدا اولان ائتنیک و دینی گروه لارا، او جمله دن آذری لره، کورد لره، بهایی لره، ائتنیک عرب لره و باشقالارینا دواملی تضییق لریندن ناراحات دیر.

مک کورمک دئییر کی ایران آذربایجانلی لاری، او جمله دن حبس اولونموش فعال عبال لسانی و باشقالاری تضییق لردن اذیت چکیر.

"رژیم مدرسه لرده آذربایجان دیلینی قدغن ائدیب، آذربایجانلی فعال لارینی تعقیب ائدیر و جناب لسانی کیمی ئوز مدنی و دیل حقوق لارینی طلب ائدن لری قانون سیز اولاراق حبس ائدیر. می آییندا تحقیر ائتدیجی کاریکاتورنین چاپیندان سونرا دینج اعتراض تظاهرات لاری تشکیل ائدن لر دویولوب، تعقیب و حبس اولونوب لار."

عباس لسانی

عباس لسانی اردبیل محبسیندن اکتبر آییندان بری ساخلانیلیر. انسان حقوق لاری ایله مشغول اولان گروه لار بیلدیریر کی ایران رسم لری طرفیندن تطبیق اولونان اشکنجه و پیس رفتارین ائله جه ده بو یاخین لاردا کئچیردیی آجلیق اعتصابی نین نتیجه سی اولاراق جناب لسانی نین ساغلیق دورومو آغیردیر.

آذربایجان دا سیاسی محبوس لاری مدافعه اتحادی مدیری فاخته زمانی بیلدیریر کی "حبس خانا رهبرلیی جناب لسانی نین تعجیل طبی یاردیما احتیاجی اولماسینا باخمایاراق ، اونو حکیم یاردیمی ایله تعمیم ائتمک دن بویون قاچیریرلار."

خانیم زمانی بیلدیریر کی ایران رژیمی طرفییندن حبسه آتیلان دیگر آذربایجانلی لار دا وار.

" محکمه سینی و تجدید نظر محکمه سی نین قرارینی گوزله ین اونلارلا دیگر زندانی لر وار. اردبیل حبسخاناسیندا 19 یاشلی بهروز علیزاده ساخلانیر. آی لارلا حبس ده قالمسینا باخمایاراق اونو قارشی رسمی اتهام ایره لی سورولمه ییب و محکمه کئچیریلمه ییب. ائلیاز یکانلی کیمی ده تانینان علی خدا بخشی اورومیه زندان یندا دیر. اونو دا نه محکمه سی کئچیریلیر، اتهامی ایره لی سورولور. انسان حقوق لاری فعالی رضا عباسی حال حاضیردا زنجان زندان یندادیر. اونون حبس مدتی نین ان آزی 2 آیی نی انفرادی سلول دا کئچیریلیب. یازیلی بیانیه ده بین الخالق عفو بیلدیریر کی، اونو حبس ده ایکن اشکنجه یه معروض قالماسی باره ده ناراحات لیق وار."

آمریکا دولت سوزچوسو شان مک کورمک بیلدیریر کی آمریکا ایران رژیمی نی ئوز وطن داش لارینا سیستیماتیک فشارلاری دایاندیرماقا، بوتون ایرانلی لارین حقوق لارینا حرمت ائتمه یه و ئوزلری نین سوز، مطبوعات توپلاماشما اعتقاد و امک حقوق لاری اوغروندا فعالیت ینه گوره حبس اولان لاری آزاد ائتمه یه چاغیریر.