کان فیلم فستیوالی قیزیل نخل جایزه سی نی بیر رومانیالی رژیسورا وئردی
29/05/2007
کان مشهور فیلم فستیوالی بو ایل ان یوکسک جایزه سینی بیر رومانیالی کارگردانا وئردی کی بیر فیلم سقط جنین "اوشاق سالدیرما" باره ده چکمیشدیر. بو فیلمین آدی "دؤرد آی، اوچ هفته و ایکی گون" دیر و کریستیان مون جیو اونو کارگردانلیق ائدیب. بو بولوم ده 22 فیلم بوتون دونیا دان اشتراک ائتمیشدیلر کی ان یوکسک فیلم فستیوالی دونیا اوزه رینده تانیینیب. بو فیلمین حکایه سی بیر گنج محصل باره سینده دیر بیر کیچیک شه هرده کی گرک قارنیندا کی اوشاغی نی سالدیرسین. ایکینجی جایزه نی ژاپن فیلمی "یاسلی مئشه" آپاردی کی بیر شاعرانه و لطیف اثردی. فیستیوال دا ان یوکسک کارگردان (رژیسور) جولیان شنابل تانیندی کی ناقوس و که به نک فیلمی نی کارگردانلیق ائتمیشدیر. تورکیه یازیچی سی فاتح آکین ان یوکسک فیلمنامه جایزه سی آپاردی کی بهشت قیراغی آدیندا فیلمنامه یازمیشدیر. بو فیلم عشق، صلح و باریش باره سینده دیر. ایرانلی یازیچی و رژیسور مرجانه ساتراپی "پرسپولیس" اوچونجو جایزه نی بیر مکزیک فیلم ایله برابر آپاردیلار. مکزیک لی کارگردان کارلوس ریگاداس دیر کی "قارانلیق ایشیق" آدیندا فیلم چکمیشدیر.
بو مقاله نی ای ميل ادين
چاپی ورسيا
