ايرانداکی غير رسمی منبع لريين يايديغی معلوماتلارا گوره آذربايجانليلارين بابک قالاسينا يوروشو ياخين
 |
| بذ قالاسی، کليبر داغلاری |
لاشديقجا حرکات فعال لارينا قارشی تضييق لرده آرتير.
"حق" وب صحيفه سی حرکاتچی لارين محکمه لره ، پليس و اطلاعات اداره لرينه چاغيريلماسی باره ده خبر ياييب. منبعين معلوماتينا گوره بير ايل مدتينده حبس ده قالان و قيسا مدت ئونجه آزادليغا چيخميش، تانينميش حرکاتچی رضا عباسی پليسين اطلاعات اداره سينه چاغيريليب، اونا بابک قالاسی يوروشونه قاتيلماماق باره ده جدی خبردارليق ائديليب. خبرده همده بهروز صفری آدلی زنجانلی بير فعالين کئچن هفته حبس اولوندوغو بيلديريلير. اونون خانيمی و قارداشينا ايسه حبس له باغلی خبری گيزلتمک اوچون تضييق لر ائديليب.
بو آرادا زنجان دادستانی حرکات فعال لاری سعيد متين پور و جليل غنی لونون اوين حبس خاناسيندا ساخلانيلديغينی آچيقلاييب.
"ساوالان سسی" اورميه لی فعال ئويرنجی اکبر پاشائی نين محکمه طرفيندن حبس خانايا گونده ريلديينی و اردبيل لی فعال عباس لسانی نين اردبيل حبس خاناسيندا آغير جنايتکارلا و معتادلارلا بيرليکده ساخلانيلديغينی بيلديرير.
"اورمو نيوز"دا ياييلان معلوناتلارا گوره، بير مدت ئونجه حبس ائديلميش يئنی يئتمه فعال محمدرضا عوض پورون هارادا ساخلانيلديغی هله ده بللی دئييل .
اونو دا قيد ائدک کی، حبسدن آزاد ائديلن لر ده وار. " آذربايجانلی سياسی محبوسلارين مدافعه کميته سی" قوشاچای شهرينده حبس ائديلميش فعال لارين بهبود قلیزاده ،جلال کودریلو ،شاهین حسینی، امیر آقازاده ، محسن فرامرزی ، علی سلطانی و ولی الله ظهرابی نين آزادليغا بوراخيلماسی باره ده خبر ياييب.
بير مدت ئونجه باکی دان تهرانا قاييدارکن حبس اولونان اذربايجانلی ژورناليست سعيد موغانلی نين هاوا ليمانی نين تهلوکه سيزليک اورگانلاری نين بير نئچه ساعاتليق سوروشدورماسيندان سونرا آزادليغا بوراخيلديغی بيلديريلير.
بو مقاله نی ای ميل ائدين
چاپ اوچون متن
