سيز واشنگتونون باخيشی-  آمريکا حکومتی نين رسمی موقعی نين  شرحی ايله تانيش اولورسونوز

بو ايل ده ايرانين ملا رژيمی  ئويرنجی لره قارشی8 ايل قاباقکی قدار هجومون ايلدونومونده اوخشار اصولا ال آتدی. رژيم  اعتراضچی ئويرنجی لری دويمک و حبس ائتمک مقصدی ايله امنيت قوه لرينی اونلارين اوزه رينه  گوندردی.

 اساس هجوم 1999-جو  ايلده گرچک لشديريلميشدی.  پليس و حکومت يانلی  قوه لر ( بسيجی)تهراندا ئويرنجی ياتاقخاناسينا هجوم ائده رک بير دانشجونو ئولدورموش و ان آزی 20 نفری يارالاميشديرلار. بو هجوم 6 گون سورن  و بوتون ئولکه نی بوروين  اعتراض لارا سبب اولموش و يوزلرله انسان حبس اولونموشدور. بو 1979-جو ايلدن سونرا ئولکه ده کی ان آغير اعتراض ساييليردی.  

 بو ايل ايسه  امنيت قوه لری امير کبير يونيورسيتينده بير اعتراض توپلانتی سينا هجوم ائده رک 6 نفری حبس ائديبلر. اونلار يونيورسيته ده 9 جولايين ايلدونومونون خاطيرلانماسی و ئويرنجی يولداشلارينين حبسينی پيسله مک مقصدی ايله ايله باغلی اوتوراق اعتراضدا  اشتراک ائديبلرميش.

 ايران پرزيدنتی احمدی نژادين دانشگاهداکی چيخيشی زامان حکومته قارشی  شعارلار سسلنديرن بير نئچه ئويرنجی ايسه 2006-جی ايلده حبس اولونموشدور.   بو ايل جولايين 9 دا ايسه امنيت قوه لری    ايرانين ان بويوک دموکراسی طرفداری اولان ئويرنجی تشکيلاتی نين – تحکيم وحدت - تهرانداکی باش اوفيسينه هجوم ائده رک   7 نفری حبس ائديبلر. ئويرنجی لره قارشی حبس لر پرزيدنت احمدی نژاد حکومتی نين حياتا کئچيردييی کوتلوی تضييق لرين بير حيصه سی دير.

 پروفسورلار، ژورناليست لر، قادين حقوق مدافعه چيلری، سنديکا و بيرليک رهبرلری حکومتين  اعتراض لاری سوسدورماق جهدلرينين هدفينه چئوريلمکده ديرلر.  

آمريکانين خارجی ايشلر ناظرلييی نين سوزچوسو شان  مک کورمک ايران اهالی سينين اوزلشدييی چتين ليک لرله باغلی مناسبتينی آچيقلاييب.

" اونلار هله ده ئوز  دينج فيکيرلرينی آزاد شکيلده افاده ائتمک حاقلاری نين پوزولماسی ايله باغلی   چتين ليک لردن اذيت چکيرلر.   دنيادا کی ان عادی اولان بو حقوقلار  ايران دولتی طرفيندن داواملی اولاراق تاپدالانير.

" او  ايران اهالی سينين مختلف يوللارلا  اقتصادی و سياسی  مسئله لرله باغلی  اعتراض لارينی افاده ائتديينی بيلديريب. مک کورمک  دئييب کی، آمريکا حکومتی ايراندا ايلکين حقوقلارين پوزولماسی باره ده آچيق بيانات لار وئرمه يی داوام ائتديره جک.    

بو "واسنگتونون باخيشی " ايدی.