تورکمنستان پرزيدنتی ساپارموراد نيازوفون وفاتيندان سونرا همين ئولکه ده حاکميته گلن يئنی قوه خزر

خزر دنيزی

دنيزی نين استاتوسو ايله باغلی عمومی موقعی ايله راضيلاشماغا ميل لی گورونور. اگر پرزيدنت قوربانقولو وئردی محمدوف رسمی عشق آبادلا باکی آراسينداکی فرقلری آرادان گوتورمه يه نائيل اولسا اوندا خزرين استاتوسو ايله باغلی مباحثه ده ايران تکجه مخالف طرف کيمی قالا بيلر. بئله اولدوغو حالدا رسمی باکی ايرانلا پرابلم لری نئجه يولونا قويا بيلر؟ آذربايجانلا ايران آراسينداکی مناسبت لرين حاضيرکی دورومو نه يئرده دير؟ ايراندا ياشايان آذربايجانلیلار بو مناسبت لرده نه جور فاکتوردور؟ آذربايجان – ايران مناسبت لری موضوعسوندا بو و باشقا سوال لار اوزه رينده صوحبت آپارماق اوچون هفته نين عنعنوی ده ييرمی ماسا صوحبتينه آذربايجان نامينه فوندون رهبری ائلدار نامازوف و گونئی آذربايجان ملی اويانيش حرکاتی باکی بوروسونون ديرکتورو آغری قارا داغلی نی دعوت ائتميشيک.