بو گون آمريکا و بريتانيانين آذربايجانداکی سفيرليکلری تهلوکه سيزليک تدبيرلری ايله علاقه دار فعاليتينی محدودلاشديريب. هر ايکی سفيرليک تدبيرلرينی تاخيره ساليب و وطنداشلارينا خبردارليق ائديب. آمريکانين

ام تی ان عملياتچيلاری

آذربايجانداکی سفيرلييی نين اجتماعيتله علاقه لر شعبه سينين رهبری جاناتان حئنيک بيلديريب کی، سفيرليين ويزا و آمريکا وطنداشلارينا آچيق خدمت لری ده ايشله مير. سفيرليک فعاليتی نين محدودلاشديريلماسی نين سببی ايله باغلی گئنيش معلومات وئرمه سه ده آذربايجانين ميللی تهلوکه سيزليک ناظرلييی بيلديرير کی، راديکال وهابی لردن عبارت بير گروهون باکيدا بير سيرا دولت قوروملاری و بين الخالق آنتی ترور ائتلافينا عضو دولت لرين ديپلوماتيک نماينده ليک لرينه قارشی ترور عملياتی کئچيرمه سينين قارشيسی آلينيب. ناظرليين اجتماعيتله علاقه لر شعبه سينين رهبری عاريف بابايئوين سوزلرينه گوره، فاکتلا باغلی جينايت ايشی قالديريليب و عمليات شراييطينه نظارت اولونور. جناب بابايئو همده دينی اکستريميست دسته نين عضولرينين ساخلانيلماسی حاققيندا معلوماتی شرح ائدرکن بيلديريب کی، مدافعه ناظرلييی نين بير نئچه گون ئونجه حربی حيصه دن قاچميش افسری کامران اسدوف اوغورلاديغی سيلاح - سورساتی قاباقجادان ال ـ بير اولدوغو وهابی گروهونا وئريب ميش. توران خبر اژانسی نين معلوماتينا گوره وهابی گروهونون اييرمی دن چوخ عضوو حبس ائديليب. آپا خبر اژانسی نين معلوماتيندا ايسه دئييلير کی، باکیدان 90 کيلومتر شيمالدا يئرله شن دوه چی بولگه سينده وهابی لرين امامی ساييلان ميرزه علی بيگوف دا حبسه آلينيب. بو گون آمريکا سفيرلييی نين اطرافيندا ايکی نفر شوبهه لی بيلينن شخص ساخلانيليب و سونرا آزاد بوراخيليب. آمريکانين آذربايجانداکی سفيرلييی نين اجتماعيتله علاقه لر شعبه سينين رهبری جاناتان حئنيک" آمريکا سسی" راديوسونا ساباح دا سفيرليين محدود رژيمده فعاليت گوستره جه يينی بيلديريب.