پرزیدنت عبدالله گول

تورکیه پرزیدنتی‌نین ایلک رسمی سفری آذربایجانا دوام ائدیر. پرزیدنت گول بو حاقدا مخبرلره دئدی کی: "من ایلک رسمی زیارتیمی آذربایجانا یاپدیم و بوندان موتولولوک دویورام (سئونیرم)."

او علاوه ائتدی کی بو سفر تورکیه – آذربایجان آراسیندا اولان علاقه‌لری داها گوجلندیره‌جک.

عبدالله گول بو سفرده انرژی باره ده و خزر یانی ئولکه‌لری ایله امکداشلیق امکانی اولماغی حاقدا دانیشیق آپاردی.

آذربایجان پرزیدنتی الهام علی‌اف پرزیدنت گول‌ایله گوروش ده تورکیه‌نین داغلیق قاراباغ مناقشه‌سینه دایر توتدوغو موضع دن راضیلیق بیلدیردی.

پرزیدنت علی اف

جناب علی‌اف تورکیه‌نین پ ک ک ترورچولارینا قارشی عملیاتلارینی دستکله‌دیینی ده بیان ائتدی.

تورکیه‌ پرزیدنتی‌نین آذربایجان اقتصادیات‌یندا اشتراکی حاققیندا دانیشان جناب گول دئدی کی، ایکی مین دن چوخ تورک شرکت‌لری آذربایجان اقتصادیاتیندا قویدوغو سرمایه‌لر حجمی 2.5 میلیارد دلار تشکیل ائدیب.