آذربايجانين ايچ ايشلر ناظرلييی نيين تصديق ائتدييی معلوماتا گوره سابونچو رايونو، 2-جی آلبالي باغلار

ملی حکومتين 21 آذر مدالی

ساحه سينده،588سايلي باغ ائوينده ياشايان اسماعیل شمسين و اونون قيزي آلماز خانيمين جسدلری تاپيليب.آلماز شمسين کوت آلت له ئولدورولدويو بيلديريلسه ده اسماعيل شمسين بدنينده زوراکيليق ايزلرینين گوزه ديمه دييی بيلديريلير. داخيلي ايشلر ناظرليگي نين مطبوعات خيدمتي نين معلوماتينا گوره باکی نين سابونچو بولگه سينين پليس ايداره سي 14-جو پليس بؤلمه سي امکداشلاري نين آراشديرمالاری نتيجه سينده آلمازي ائوده فهله ايشله ين مشدآغا کند ساکيني خانلار سولطانووون قتله يئتيرديگي بللی اولوب .قاتيل حبس ائديليب.

ميللي حوکومتين قوروجوسو سيد جعفر پيشه وري نين سيلاحداشلاريندان و ميللي حؤکومتين فعال عضولريندن بيري اولان شمس مطبوعات و اينفورماسيا و معاريف ناظيري نين معاويني کيمي يوکسک وظيفه لرده چاليشيب. او همده ميللي حؤکومتين اورقاني اولان " آذربايجان" قزئتي نين باش رداکتورو اولوب.

او، آذربايجان ميللي حوکومتي نين سقوطوندان سونرا شيمالي آذربايجانا مهاجرت ائتميش، آنجاق استالين -ين تعقيب لرينه توش گله رک اولجه تورکمنيستانا، اورادان ايسه سيبيره سورگون اولونموشدو. کوليما و وورکوتاداکي 11 ايل ليک آغير حبس و سورگون حياتيندان سونرا - 1959-جو ايلده برائت آلاراق باکي-يا دؤنن شمس بورادا علمي فعاليتله مشغول اولوب. او،1960-جي ايلدن1998-جي ايللره قدر آذربايجان علم لر آکادمی سينين ال يازمالار و شرقشوناسليق اينستيتوتلاريندا علمي ايشچي کيمي چاليشيب، باکي دؤولت يونيورسيتئتي نين تاريخ و شرقشوناسليق فاکولته لرينده درس دئييب.