تاپدیق فرهاداوغلونون خوجالی قوربانلاری ایله باغلی گزارشی - یوکلهمک (MP3)
تاپدیق فرهاداوغلونون خوجالی قوربانلاری ایله باغلی گزارشی - (MP3)
خوجالی فاجعهسیندن 16 ایل کئچیر. او گونلرین شهیدلریندن بیری تاجیره خلیلاوا یاخینلارینی خوجالی داشهئیکهلینه سیغیناراق گؤز یاشلاری ایله خاطیرلاییر. خوجالی تکجه تاجیره خانیمین دئییل، بوتون بیر خالقین، انسانلیغی دستکلهین میلیونلارلا دونیا انسانینین دا فاجعهسیدیر. بئلهکی، او واخت "واشنگتن پست" روزنامهسی خوجالی قوربانلاری بارهده یازدی: "جسدلر آراسیندا ایکی اوشاق و 3 قادین واردی. اونلاردان بیرنین سینهسینه یاخین فاصلهدن آتش آچیلمیشدی. آغدام بیمارستانینا گتیریلمیش 120 قاچقین ین چوخوندا سونگو یاراسی واردی." "لموند" روزنامهسینده دئییلیر کی، شهردن قاچان قادینلارا و اوشاقلارا یاخین فاصلهدن آتش آچیلمیشدی. اوچ نفرین باشینین دریسی سویولموش، بارماقلاری کسیلمیشدی. "تایمز" روزنامهسی بیلدیریردی کی، آداملارین چوخونون جسدی پیس گونه سالینمیشدی. بالاجا قیزجیغازین ایسه یالنیز باشی قالمیشدی. روسیهنین "مموریال" حقوق مدافعه مرکزی خوجالیدا آذربایجانلینین دیری-دیری باشینین دریسینین سویولماسی فاکتینی یازیب. "ساندی تایمز" روزنامهسی خوجالیدا انسانلارین سونگولرله دلیک-دئشیک ائدیلدییینی، پیچاقلا دوغراندیقلارینی یازیر. حادثهنین جانلی شاهیدلری ایسه "آمریکا سسی" رادیوسونا داها بؤیوک دهشتدن دانیشیب. اونلار بوگون ده فاجعهنی آجی ایله خاطیرلاییر.
بئلهلیکله، رسمی بیلگیلره گؤره، 1992-جی ایل فوریهنین 25-26-سیندا خوجالیدا 613 نفر یئرلی وطنداش قتلعام ائدیلیب. 1275 نفر اسیر گؤتورولوب. اونلاردان 150 نفرین طالعی هله ده بللی دئییل. 1000-دن چوخ انسان علیل اولوب. حادثهلر زامانی 6 عاییله تمامیله محو ائدیلیب. 25 اوشاق هر ایکی والدینینی ایتیریب. 130 اوشاق ایسه والدینلرینین بیرینی ایتیریب.
بونلارا باخمایاراق، هله ده فاجعهنین تؤرهدیلمهسینده تقصیرلی بیلینن بیر نفر بئله نه بینالخالق نه ده آذربایجان حقوق حقوق مدافعهسی طرفیندن حبس ائدیلمهییب. آذربایجان حربی فرماندهیخانلار علییئو 31 نفر بارهسینده بینالخالق واسطهلرله آختاریش اعلان ائدیلدیینی دئییر.
هر ایل اولدوغو کیمی، بو گون ده پرزیدنت ایلهام علییئو خوجالی آبیدهسینین ئونونه اکلیل قویوب. ئولکهنین بوتون رسمی شخصلری، ملی مجلیسین نمایندهلری، اون مینلرله انسان خوجالی قوربانلارینین آبیدهسینی زیارت ائدیب. دونیانین 60-دان چوخ ئولکهسینده فاجعه قوربانلارینین خاطیرهسی یاد ائدیلیب، گؤستریلر کئچیریلیب. بو ایل "خوجالی سویقیریمی" آبیده کمپلکسی ده یئنیدن قورولوب.خطایی منطقه شهرداریسینین باشچیسی رازیم ممداوف "آمریکا سسی" رادیوسونا خوجالی موزهسینین یارادیلاجاغینی دا بیلدیریب. بوگون فاجعه قوربانلاری ئولکه اراضیسینده بیر دقیقهلیک سوکوتلا یاد ائدیلیب. بوتون مدرسهلرده خوجالی فاجعهسی ایله باغلی یاد ائتمه درسلری کئچیریلیب، سرگیلر دوزنلهنیب.
انترنت دن پروگراملار
بو مقاله نی ای ميل ائدين
چاپ اوچون متن
