باکی نين ياسامال بولگه محکمه سی " آزادليق" قازئتی نين باش يازاری قنيمت زاهيد باره سينده حکم چيخاريب. حاکيم (قاضی)سودابه ممدووا خوليقانليق(اجتماعی يئرده ساواشماق) و بدنه آز خسارت يئتيرمک اتهامی اوزره تقصيرلی بيله رک زاهيدی 4 ايل حبس جزاسينا محکوم ائديب. باشقا متهم ووصال حسينوف ايسه 1 ايل ياريم مدتينه آزاليقدان محروم ائديليب. حاکيم دونن غير معين واختا دک فاصيله اعلان ائتمه سينه باخماياراق بو گون حکم اعلان ائديب. محکمه سالونوندا ايسه حاکيم، محکوم و دادستاندان باشقا هئچ کيمسه اولماييب. وکيل عثمان کاظيموف حکمو گولونج و سياسی سفارش آدلانديريب.
وکيل همده محکمه نين گيزلی کئچيريلمه سيندن ناراحاتدير. او محکمه نين حکومون اروپا انسان حاقلاری محکمه سينه شکايت ائديله جه يينی بيلديريب. ژورناليست تشکيلاتلاری و حقوق مدافعه چيلری ده باش يازارين حبسينه اعتراض ائديبلر. آمريکا سفيرلييی نين سوزچوسو جاناتان هنيک چيخاريلان حکم له باغلی درين ناراحاتليق کئچيرديينی بيلديريب.
" آذربايجان" دولت قازئتنينين باش رداکتورو، ملت وکيلی بختيار صاديقوف حکمو عدالتلی سايير
... بو باره ده داها اطرافلی تاپديق فرهاد اوغلونون رپورتاژيندا تانيش اولا بيلرسينيز.
انترنت دن پروگراملار
بو مقاله نی ای ميل ائدين
چاپ اوچون متن
