ياخين لاری و قوهوملاری اردبيلين پيام نور يونيورسيتينين ئويرنجی سی( دانشجو) اولان آذربايجانلی حرکاتچی عسگر اکبرزاده نين ساخلانما يئری و وضعيتيندن خبرسيز ديرلر. ساوالان سسی- و آذرنيوزدا ياييلان معلوماتا گوره حاققيندا آمنتستی اينترنشنالين 3 دفعه بيانات وئردييی اکبرزاده 20 خورداد-مايين21ده اربيلده اطلاعات مامورلارينين ائولرينه هجومو زامانی حبس اولونوب. عائيله سی عسگرين شکنجه اولونماسيندان نيگران دير. امنيت قوه لری همده محبوسون ياخينلارينا مئديايا آچيقلاما وئرمکدن چکينمه يی تاپشيرميش واونلاری هده له ميشلر. اکبرزاده بير نئچه دفعه حبس اوناراق بوراخيليب.يادا سالاق کی، مايين 22ده تبريزين ائل گولو پارکيندا حبس اولونان فعال فرهاد محسنی نين جنازه سی تاپيليب. ئويرنجی.کام-ين معلوماتينا گوره اونون الکتريک شوک نتيجه سينده ئولدورولمه سی احتيمال اولونور. بو فاکت بوتون آذربايجانلی سياسی محبوسلارلا باغلی نيگرانچيليق لاری آرتيريب.