اروپا بيرلييی ايرانا قارشی ينی اقتصادی تحريم لرله چيخيش ائديب. بو تحريم لرين اساسيندا ايرانين ان بويوک بانکی اولان ملی بانکين اروپاداکی املاکی دوندورولور. لوکزامبورگ-دا کئچيريلن اجلاسين سونوندا ايرانين اورانيوم زنگين لشديرمه فعاليت لرينی دايانديرماقدان امتناع ائتمه سينه قارشی قبول ائديلن قرارا گوره اروپا بيرلييی نين 27 عضوو ايرانين ملی بانکی نين بوتون حسابلارينی و سرمايه لری قاپاديليرو آتم چاليشمالاريندا الی اولان بير سيرا ايران وطنداشلارينين اروپايا سفرينه قاداغا قويولوب. اروپا رسمی لری ايران لا باغلی تشويق- تنبيه سياستينی  داوام ائتديره جه يينی بيلديريب. يادا سالاق کی، غربين تشويق ائديجی تکليف لری کئچن هفته اروپانين خارجی سياست اداره سينين باشچيسی حاوير سولانا طرفيندن تهرانا تقديم ائديليب. آنجاق تهرانين اورانيوم زنگين لشديرمه فعاليت لرينين هئچ بير مذاکره نين موضوعسو اولا بيلمه يه جه يينی دئيير.