بريتانيانين مدافعه ناظری دئس براون دئييب کی، عراقدا امنيت وضعيتی نين ياخشی لاشماسی  رسمی تهرانين بو ئولکه ده نفوذونون آزالماسينا گتيريب چيخاردير. او بريتانيا پارلمانيندا قانونوئريجی لر قارشيسينداکی چيخيشيندا تهرانی عراقداکی شيعه ياراقليلارينين سيلاحلانديريلماسی و تعليمينده اتهام ائديب. قيد ائدک کی، ايران بو کيمی اتهاملاری تکديب ائدير. بو آرادا، آمريکا اردوسو موصل شهرينده باش وئرميش پارتلاييش نتيجه سينده کوردستان دموکرات حزبی نين ايکی گوزتچی سينين ئولدويونو بيلديريب. حربی آچيقلامادا بولگه ده آپاريلان آختاريش نتيجه سينده 11 شوبهه لينين توتولدوغو دا سويله نيلير. دونن ايسه بغداددا بير پليس  قرارگاهيندا باش وئرميش پارتلاييش 3 پليس و 6 وطنداشين ئولومونه سبب اولموشدو.