چين حکومت مئدياسينين يايديغی خبرلره گوره، بازار گونو ئولکه نين شيمال غربينده يئرلشن "سين جيانگ" بولگه سينده باش وئرميش هجوملار زامانی 8 آدام ئولوب. شين حوا خبر اژانشی نين معلوماتينا گوره، 7 هجومچو و 1 نفر امنيت مامورو ئولوب. شين حوانين خبرلرينه گوره، هجوم کوقا شهرينده باش وئريب. پارتلاييجی دولو 3 تکرلی ماشين شهرين پليس اداره سينه چيرپيلاراق پارتلاديليب. رسمی لر بيلديرير کی، پارتلاييش نتيجه سينده 1 امنيت مامورو ئولوب، داها ايکی پليس و   2 وطنداش يارالانيب. بو قايناغين خبرينه گوره هجومچولاردان بيری پليس طرفيندن آتش آچيلاراق ئولدوروب، ايکينجی ايسه حبس ائديليب. باشقا بير بمباچی ئوزونو ئولدوروب 4-جو ايسه آغير يارالانيب. شين حوانين بيلديرير کی، داها سونرا بازاردا گيزله نن 5 بمباچی يا هجوم زامانی اونلارين 2 سی ئولدورولوب 3 نفری ايسه ئوزلرينی پارتلاداراق ئولدوروبلر.  کئچن بازار ائرته سی گونو اويغور دويوشچولر چينين مرز پليسينه هجوم ائده رک 16 حربچی نی ئولدوروموشدورلر. يادا سالاق کی، چين عصرين اول لرينده تورکوستانين شرق بولگه لرينی اشغال ائده رک سين جيانگ(يئنی ايالت) آدلانديريب. اورادا ميليونلارا اويغور-تورک منشاء لی مسلمان ياشايير. چين بو کيمی هجوملارا گوره عادتا دوغو تورکوستان اسلام حرکاتیينی اتهام ائدير. بو قوروم مستقل ليک اوغروندا مبارزه آپارديغینی بيلديرير.