هادی ساعی آذربایجان خالقینا مراجعت ینده بو افتخاری و قازاندیغی مدالی ایران  و آذربایجان خالقینا و دوغولدوغو بوستان آباد شهرینه سوندوغونو دئییب.

هادی ساعی: "خالقین خئییر دعاسی ایله بو مدالی ئولکه مه گتیردییم و ایرانین بایراغینی قالدیردیغیم اوچون چوخ سئوینیرم. ایستی و صمیمی سلاملاریمی شانلی آذربایجان خالقی و دوغولدوغوم بوستان آباد و قارا کوهوله چاتدیریرام. اومود ائدیرم کی، بو قیمت سیز هدیه نی مندن قبول ائدرلر."

هادی ساعی قازاندیغی مدال ایله ایرانین اولمپیک تاریخینه دوشوب. او، ایران آذربایجانی نین  بوستان آباد شهریندن دیر.

ساعی 2000-جی ایل سیدنی اولمپیک ینده بورونج، 2004-جو ایلافینا اولمپیک ینده قیزیل و 2008-جی ایل پکن اولمپیک ینده قیزیل مدال قازانیب. ایران پرزیدنتی احمدی نژاد، ئولکه مجلیسی، ایرانین کئچمیش دولت باشچیسی خاتمی و باشقا لاری هادی ساعی نی تبریک ائدیبلر.

بو آرادا تهران بلدیه سی نین سؤزچوسو خسرو دانشجو تهران کوچه لری نین بیرینه هادی ساعی نین آدی نین وئریلمه سی باره ده قرار قبول ائدیلدیینی بیلدیریب.