آمئریکانین وايس-پرئزیدئنتی دیک چئینی سئنتیابرین 2-ده آذربایجانا یولا دوشوب. او، باکیدا پرئزیدئنت ایلهام الیئو و دیگر حاکمیت تمثلچیلری ایله گؤروشهجک. آغ ائو بیلدیریر کی، سفرین مقصدی رئگیونداکی پروسئسلره و آمئریکا-آذربایجان موناسیبتلرینه نظر سالماقدیر. یوکسک روتبهلی آمئریکا رسمیسینین آذربایجان لیدئری ایله دانیشیقلاری زامانی اؤلکهدکی اصلاحاتلار، داغلیق قاراباغ موناقیشهسینین سوله یولو ایله هللی صرورتی و انرژی مسئلهلری ده دقت مرکزینده اولاجاق. وايس-پرئزیدئنت آذربایجاندان سونرا گورجوستانا گئدهجک. آمئریکا پرئزیدئنتی جورج بوشون تاپشیریغینا اساساً، دیک چئینی بو سفر زامانی هابئله اوکراینا و ایتالیادا دا اولمالیدیر. ویتسئ-پرئزیدئنتین سفری عرفهسینده آمئریکا دؤولت کاتیبینین معاوینی دانیئل فرید "تهئ فایننشیال تایمز" قزئتینه موصاحیبهسینده بیلدیریب کی، ایندی بیرلشمیش ایشتاتلارین قارشیسیندا دوران ایکی اساس مسئله گورجوستانی دستکلمک، و روسیایا یئنی تأثیر زوناسی یاراتماغا ایمکان وئرمه مکدیر. او بیلدیریب کی، چئینینین رئگیونا سفری بو باخیمدان بؤیوک اهمیته مالیکدیر. بئله کی، جناب چئینی داها بؤیوک تهلوکه آلتیندا اولان اوچ اؤلکهیه - گورجوستان، آذربایجان و اوکراینایا باش چکهجک. آمئریکا ایندیکی دییشکن سیتواسیادا موسکوایا قارشی تدبیرلر گؤرمهیه تلسمهیهجک. "بیز بو تدبیرلری گؤتور-قوی ائتمهلی، موتتفیقلریمیزله مصلحت لشمه لییک"، - دئییب دانیئل فرید. واشینقتوندا یئرلشن بئین لخالق و ایستراتئژی آراشدیرمالار مرکزینین ائکسپئرتی بولنت الیرزا دقتی چئینینین سفر مارشروتونا یؤنلدیر. او بیلدیریر کی، ایندی آذربایجان چتین سئچیم قارشیسیندادیر: "-پرئزیدئنت معاونی چئینی هم تبفليس ده، هم ده باکیدا اولاجاق. معلومدور کی، تبیلیسده پرئزیدئنت سااکاشویلییه دستک وئرهجک. باکیدا ایسه پرئزیدئنت الیئوه دئیهجک کی، باخین، گؤرون روسلار نلره ال آتیرلار، نئفت و قاز کمرلری دا داخیل اولماقلا شرق کوریدورونا تهدیدلر یارادیرلار، بیز سیزین بیزیم یانیمیزدا اولماغینیزی ایستییریک. بونلاری مطلق دئیهجک. اما آذربایجان بونا نئجه جاواب وئره بیلر؟ نئجه ده اولسا، شیمالدا روسیا کیمی بیر گوجلو قونشوسو وار او قونشو دا سون حادثهلرین تیمثالیندا رئگیوندا اؤز گوجونو گؤستریب. بئلهلیکله، آذربایجان 1-2 هفته اوله باخاندا، ایندی چوخ چتین وضعیتدهدیر". هادسون آراشدیرمالار مرکزینین آوراسیا پروقرامینین دیرئکتورو زئینو باران ایسه آبش-این ویتسئ-پرئزیدئنتینین رئگیونا سفرینین گورجوستانداکی پروسئسلردن اول پلانلاشدیریلدیغینی دئییر. زئینو بارانین فیکرینجه، یوکسکروتبهلی آمئریکا رسمیسی باکیدا و تفلسیده غربین بو اؤلکهلرین یانیندا اولدوغو مئساژینی وئرهجک. بس باکیدا آمئریکا وايس-پرئزیدئنتینین سفریندن نلر گؤزلییرلر؟ پولیتولوق ظفر قولیئو دئییر کی، دیک چئینینین آذربایجانا گلیشی یا هئچ نه وئرمهیهجک، یا دا چوخ بؤیوک اهمیته مالیک اولاجاق. جناب قولیئو دئییر کی، آبش ایندی ایلک نؤوبهده آذربایجانا تهلوکهسیزلیک تامیناتی وئرمهلیدیر. چونکی بو مسئلهلری حل ائتمهدن هئچ بیر انئژی تهلوکهسیزلیگی بارهده دانیشماغا دیمز.
انترنت دن پروگراملار
بو مقاله نی ای ميل ائدين
چاپ اوچون متن
