يوکسک روتبه لی آمريکا حربچی لريندن بيرينين دئديينه گوره، آمريکا اردوسو کئچن آی بير گروه افغانستان وطنداشينين ئولومونه سبب اولان عمليات لا باغلی يئنیدن آراشديرما آپاراجاق. ژنرال ديويد مک کيرنان دئييب کی، افغانستان و آمريکا اردوسونون هرات استانيندا آپارديغی آختاريش لار زامانی يئنی دليل لر الده ائديليب. غرب مطبوعاتی نين يازديغينا گوره، دليل لر آراسيندا  موبايل تلفونو ايله گوتورولموش ويدئو گورونتولرده وار. گورونتولرده هاوا هجوموندان سونرا کندين مسجدينده ئولن انسان لارين او جومله دن ئولن اوشاقلارين مئييد لري گوستريلير.آمريا اردوسو بوندان قاباق يالنيز 7 وطنداشين ئولومونو بيلديرميشدی. آمريکالی ژنرالين دئديينه گوره بو معلوماتا يئنیدن باخيلاجاق. بو آرادا بو گون نيويورک دا يئرلشن انسان حاقلاری مدافعه تشکيلاتی نين يايديغی بياناتدا دئييلير کی، 2006-جی ايلدن بويانا ناتو  و آمريکانين هاوا هجوملاری نتيجه سينده ئولن لرين سايی 3قات آرتيب. راپورتا گوره 2006-جی ايلده ئولدورولن  غيرنظامی لرين سايی 116، 2007-جی ايلده  321اولوب. هيومن رايتز واچين دئديينه گوره 2006-2007-جی ايللرده 1600 افغان وطنداشی ناتو و آمريکا هجوملارينا قوربان گئديب.