جمهوریتچی حزبین باشچیلیق نامزدی سناتور جان مککین، ساواش نئجه قازانیلار بیلدیینی، عراقدا اولدوغو کیمی عسکر ساییسینی آرتیرما استراتیژیسینی افغانستانا دا اویغولایاجاغینی سؤیله دی.

مککین، عسکر ساییسینی آرتیرمانین عراقدا باشاریلی اولدوغونو، عینی شئیین افغانستان اوچون ده کئچرلی اولدوغونا تاکید ائتدی. جمهوریتچی نامزد، پرزیدنت سئچیلمه سی تقدیرده اوسامه بنلادنی توتوب عدالت اؤنونه چیخارداجاغینی بیلدیردی.

بو آرادا، دموکرات حزبی نین باشیچیلیق نامزدی باراک اوباما، واشنگتنداکی خارجی سیاست دانیشماسیندا، عراقدان عسکر چیخارما و افغانستانا داها چوخ عسکر گؤندرمه برنامه سینی آچیقلادی. سناتور اوباما، آمریکانین عراقداکی شرایطی اوزوندن افغانستانا یئترلی قایناق آییرا بیلمه دیینی وورغولادی. القائده و طالبان ایله ساواشی باشا چاتدیرماغا آغیرلیق وئرهجه یینی بیلدیرن اوباما، اتم سیلاحلاری و رادیواکتیو وسیله لرینین تروریستلره دوشمن دولتلرین الینه کئچمه مه سی اوچون چالیشاجاغینی سؤیله دی.

باراک اوباما بو آی سونوندا عراق و افغانستانی زیارت ائدهجک. عراقداکی ساواشا گوجلو دستک وئرن جمهوریتچی رقیبی جان مککین ایسه اوبامادان، عراق و افغانستانا گئتمه دن بیر خارجی سیاست پلانی آچیقلادیغی اوچون انتقاد ائتدی.